అక్షరటుడే, వెబ్డెస్క్: BSNL Satellite Phone | దేశంలోని మారుమూల ప్రాంతాల్లో కూడా కమ్యూనికేషన్ను సులభతరం చేసే దిశగా కేంద్ర ప్రభుత్వ రంగ టెలికాం సంస్థ బీఎస్ఎన్ఎల్ (BSNL) అత్యాధునిక శాటిలైట్ ఫోన్ను అందుబాటులోకి తీసుకొచ్చింది.
ఈ ఫోన్ ధరను రూ.1,34,166గా నిర్ణయించింది. సాధారణ మొబైల్ టవర్లు లేదా సెల్యులర్ నెట్వర్క్ అందుబాటులో లేని ప్రాంతాల్లో కూడా ఉపగ్రహాల ద్వారా కాల్స్, సందేశాలు పంపుకునే సౌకర్యాన్ని ఈ పరికరం కల్పిస్తుంది.
AP MBBS Seats | మరో 100 ఎంబీబీఎస్ సీట్లకు ఎన్ఎంసీ గ్రీన్ సిగ్నల్
BSNL Satellite Phone | కమ్యూనికేషన్ పరిమితంగా ఉండే ప్రాంతాల్లో
ఈ శాటిలైట్ ఫోన్ ప్రధానంగా విపత్తు నిర్వహణ, అటవీ ప్రాంతాలు, పర్వత ప్రాంతాలు, సముద్ర ప్రాంతాలు, సరిహద్దు ప్రాంతాలు వంటి కమ్యూనికేషన్ సౌకర్యాలు పరిమితంగా ఉండే ప్రాంతాల్లో ఉపయోగపడేలా రూపొందించారు. ప్రకృతి వైపరీత్యాలు లేదా అత్యవసర పరిస్థితుల్లో కూడా నిరంతర సమాచార మార్పిడికి ఇది ఉపయోగకరంగా ఉంటుందని బీఎస్ఎన్ఎల్ తెలిపింది.
అయితే ఈ శాటిలైట్ ఫోన్ సాధారణ స్మార్ట్ఫోన్ల మాదిరిగా ప్రతి ఒక్కరి కోసం కాకుండా, ప్రభుత్వ శాఖలు, విపత్తు నిర్వహణ సంస్థలు, సముద్ర, రక్షణ, ప్రత్యేక అవసరాలున్న వినియోగదారులను దృష్టిలో ఉంచుకుని అందుబాటులోకి తీసుకొచ్చిన సేవగా పేర్కొంది. శాటిలైట్ ఫోన్ వినియోగం ప్రభుత్వ నిబంధనలు, అనుమతులకు లోబడి ఉంటుందని అధికారులు స్పష్టం చేస్తున్నారు.
