Castor Oil Benefits | ఆముదంతో అద్భుత ప్రయోజనాలు.. రోజూ వాడితే జరిగే మ్యాజిక్ ఇదే

అక్షరటుడే, వెబ్​డెస్క్: Castor Oil Benefits | మన పూర్వీకులు వంటింట్లోనే కాకుండా.. శారీరక ఆరోగ్యానికి, అందాన్ని కాపాడుకోవడానికి కూడా ఆముదానికి ఎంతో ప్రాధాన్యతనిచ్చేవారు. కాలక్రమేణా మార్కెట్లోకి వచ్చిన రసాయన (కెమికల్) ఉత్పత్తుల ప్రభావం వల్ల దీని వాడకం తగ్గినప్పటికీ, ప్రస్తుత కాలంలో ప్రజలు మళ్లీ ఆముదం ప్రాముఖ్యతను గుర్తిస్తున్నారు. ఇందులో ఉండే రిసినోలిక్ యాసిడ్ (Ricinoleic Acid), విటమిన్ ఇ, ఒమేగా ఫ్యాటీ యాసిడ్లు శారీరక ఆరోగ్యానికే కాకుండా, చర్మ, జుట్టు సంరక్షణకు అద్భుతంగా పనిచేస్తాయి. ఆముదం వల్ల కలిగే ఆ పూర్తి ప్రయోజనాలేంటో ఇప్పుడు వివరంగా తెలుసుకుందాం…

Castor Oil Benefits | జుట్టు ఒత్తుగా, పొడవుగా పెరగడానికి..

చుండ్రు, జుట్టు రాలడం, జుట్టు పలచబడటం వంటి సమస్యలతో బాధపడేవారికి ఆముదం చక్కగా పనిచేస్తుంది. ఇది తల భాగంలో రక్తప్రసరణను పెంచి, జుట్టు కుదుళ్లను దృఢంగా మారుస్తుంది. నేరుగా కాకుండా కొద్దిగా కొబ్బరి నూనె లేదా బాదం నూనెతో ఆముదాన్ని కలిపి వారానికి రెండు సార్లు తలకు మసాజ్ చేసుకుంటే జుట్టు నల్లగా, ఒత్తుగా పెరుగుతుంది.

Castor Oil Benefits | నేచురల్ మాయిశ్చరైజర్

పొడి చర్మం (డ్రై స్కిన్) ఉన్నవారికి ఆముదం ఒక మంచి ఔషధం. ఇది చర్మంలోని తేమ ఆరిపోకుండా కాపాడుతుంది. ప్రతిరోజూ రాత్రి పడుకునే ముందు కొన్ని చుక్కల ఆముదాన్ని ముఖానికి, చేతులకు రాసుకుంటే చర్మం మృదువుగా, మెరుస్తూ ఉంటుంది.

Castor Oil Benefits | మలబద్ధకం దూరం

ఆముదానికి పొట్టను శుభ్రపరిచే సహజ గుణం ఉంది. పూర్వ కాలంలో కడుపు సాఫీగా అవ్వడానికి ఆముదాన్ని ఎక్కువగా వాడేవారు. రాత్రి వేళ గోరువెచ్చని పాలు లేదా నీటిలో కొన్ని చుక్కల ఆముదం కలుపుకుని తాగితే.. జీర్ణక్రియ మెరుగుపడి తీవ్రమైన మలబద్ధకం సమస్య నుండి ఉపశమనం లభిస్తుంది.

Castor Oil Benefits | కీళ్ల నొప్పుల నుంచి ఉపశమనం

ఆముదంలో వాపులను, నొప్పులను తగ్గించే గుణాలు ఉన్నాయి. మోకాళ్ల నొప్పులు, కీళ్ల నొప్పులు లేదా కండరాల పట్టేయడం వంటి ఇబ్బందులు ఉన్నప్పుడు.. ఆముదాన్ని కొద్దిగా గోరువెచ్చగా చేసి నొప్పులు ఉన్న చోట మసాజ్ చేస్తే వెంటనే హాయిగా అనిపిస్తుంది. చర్మంపై వచ్చే ముడతలను తగ్గించడంలో ఆముదం తోడ్పడుతుంది. ఇది చర్మంలో కొల్లాజెన్ శాతాన్ని పెంచుతుంది. రోజూ రాత్రి పూట కళ్ల చుట్టూ ఆముదంతో సున్నితంగా మసాజ్ చేయడం వల్ల కళ్ల కింద వచ్చే నల్లటి వలయాలు (డార్క్ సర్కిల్స్), ముడతలు క్రమంగా తగ్గుతాయి.

Castor Oil Benefits | కనుబొమ్మలు, గోళ్ల ఎదుగుదలకు..

గోళ్లు సులభంగా విరిగిపోయే వారు వాటిపై ఆముదం రాస్తే గోళ్లు బలంగా తయారవుతాయి. అలాగే, కనుబొమ్మలు, కనురెప్పలు దట్టంగా పెరగాలనుకునే వారు రోజూ రాత్రి పడుకునే ముందు ఇయర్‌బడ్‌ సహాయంతో కొద్దిగా ఆముదం రాసుకోవచ్చు. ఆముదం చాలా చిక్కగా ఉంటుంది కాబట్టి, దీనిని నేరుగా కాకుండా కొబ్బరి నూనె లేదా ఏదైనా తేలికపాటి నూనెతో కలిపి వాడుకోవడం మంచిది.

దీనిని కూడా చదవండి : Monday Shiva Puja | సోమవారం శివపూజ.. భక్తిశ్రద్ధలతో ఇలా పూజిస్తే.. శివానుగ్రహం మీ సొంతం!