Godrej Wealth Hyderabad | హైదరాబాద్‌లోకి ‘గోద్రెజ్ వెల్త్’ ఎంట్రీ.. దక్షిణాదికి విస్తరించిన వ్యాపార సామ్రాజ్యం

అక్షరటుడే వెబ్‌డెస్క్: Godrej Wealth Hyderabad | ప్రముఖ పారిశ్రామిక దిగ్గజం ‘గోద్రెజ్ ఇండస్ట్రీస్ గ్రూప్’కు చెందిన వెల్త్ మేనేజ్‌మెంట్ విభాగం ‘గోద్రెజ్ వెల్త్’ (Godrej Wealth) తన జాతీయ విస్తరణలో భాగంగా హైదరాబాద్ నగరం ద్వారా దక్షిణాది మార్కెట్‌లోకి అధికారికంగా అడుగుపెట్టింది. 2031 నాటికి రూ.1 లక్ష కోట్ల ఏయూఎమ్ (AUM) సాధించడంతో పాటు దేశవ్యాప్తంగా 35 కేంద్రాలకు విస్తరించాలనే లక్ష్యంతో ఈ నూతన కార్యకలాపాలను ప్రారంభించినట్లు సంస్థ గురువారం ప్రకటించింది.

Godrej Wealth Hyderabad |  19,800 మిలియనీర్ కుటుంబాలు..

భారతదేశంలోని ( India )  అత్యంత ధనవంతుల (UHNW) జనాభాలో హైదరాబాద్ వాటా 6.3 శాతానికి చేరుకోగా, నగరంలో దాదాపు 19,800 మిలియనీర్ కుటుంబాలు నివసిస్తున్నాయి. హైదరాబాద్ మ్యూచువల్ ఫండ్ AUM జులై 2026 నాటికి 18% వార్షిక వృద్ధితో రూ.1.84 లక్షల కోట్లకు చేరింది. తెలంగాణ ఫార్మా రంగానికి ప్రధాన కేంద్రంగా, 3 లక్షలకు పైగా ఉద్యోగులతో గ్లోబల్ కేపబిలిటీ సెంటర్ (GCC) హబ్‌గా నిలిచిన హైదరాబాద్‌లో.. రూ.5 కోట్లు అంతకంటే ఎక్కువ ఇన్వెస్ట్ చేయగల హెచ్ఎన్ఐ (HNI), యుహెచ్ఎన్ఐ (UHNI) క్లయింట్లను లక్ష్యంగా చేసుకుని గోద్రెజ్ వెల్త్ తమ సేవలను అందించనుంది.

విశ్వసనీయతతో కూడిన ఆర్థిక సేవలు: మనీష్ షా
గోద్రెజ్ క్యాపిటల్ ఎమ్‌డీ & సీఈఓ, గోద్రెజ్ వెల్త్ నాన్-ఎగ్జిక్యూటివ్ డైరెక్టర్ మనీష్ షా మాట్లాడుతూ.. “భారత వెల్త్ మేనేజ్‌మెంట్ రంగం అత్యంత వేగంగా అభివృద్ధి చెందుతోంది. బలమైన వ్యాపార వాతావరణం ఉన్న హైదరాబాద్ మా విస్తరణకు ఎంతో కీలకమైన నగరం. గోద్రెజ్ గ్రూప్‌నకు ఉన్న విశ్వసనీయత, అత్యుత్తమ పాలనతో కస్టమర్లకు సుదీర్ఘకాలం నాణ్యమైన సేవలు అందిస్తాం” అని తెలిపారు.

Godrej Wealth Hyderabad |  బహుళ ప్రయోజనాలు..

గోద్రెజ్ వెల్త్ సీఈఓ కునాల్ కర్నానీ మాట్లాడుతూ.. “హైదరాబాద్‌లో వ్యాపార కుటుంబాలు, పారిశ్రామికవేత్తలు , గ్లోబల్ ప్రొఫెషనల్స్ ఎక్కువగా ఉన్నారు. వారికి కేవలం పెట్టుబడులే కాకుండా వ్యాపార సంపద నిర్వహణ, వారసత్వ ప్రణాళిక (Succession Planning) వంటి విషయాల్లో పర్సనలైజ్డ్ పరిష్కారాలు అందిస్తాం” అని చెప్పారు. ఈ క్రమంలో తెలంగాణ, ఆంధ్రప్రదేశ్ రాష్ట్రాల్లోని సంపద సృష్టికర్తలకు సేవలు అందించేందుకు అనుభవజ్ఞులైన వెల్త్ మేనేజర్ల బృందాన్ని సిద్ధం చేస్తున్నట్లు వెల్లడించారు.

Godrej Wealth Hyderabad | స్మార్ట్ ఇన్వెస్ట్‌మెంట్స్..

కస్టమర్ల ఆర్థిక ప్రాధాన్యతలు, రిస్క్ ప్రొఫైల్స్ , ప్రవర్తనను విశ్లేషించేందుకు ‘గోద్రెజ్ సిగ్నల్స్’ (Godrej Signals), సరైన పెట్టుబడి మార్గాలను అంచనా వేసేందుకు ‘గోద్రెజ్ ఛాయిస్’ (Godrej Choice) వంటి సొంత సాంకేతిక సాధనాలను (Proprietary Capabilities) ఉపయోగిస్తున్నట్లు సంస్థ తెలిపింది. వీటి ద్వారా ఇన్వెస్టర్లు సుదీర్ఘకాల ప్రయోజనాలు పొందేలా సరైన నిర్ణయాలు తీసుకోవచ్చు.

ఇది కూడా చదవండి: Temple Dispute | దళితులు వర్సెస్ వీడీసీ.. ఆలయ నిర్మాణంపై కొనసాగుతున్న సందిగ్ధత