అక్షరటుడే వెబ్‌డెస్క్: Bharat Connect Loan Repayment | మైక్రోఫైనాన్స్ (MFI) రుణగ్రహీతలకు డిజిటల్ సేవలను మరింత చేరువ చేస్తూ కీలక పరిణామం చోటుచేసుకుంది. ఎన్‌పీసీఐ (NPCI) అనుబంధ సంస్థ అయిన ‘ఎన్‌పీసీఐ భారత్ బిల్ పే లిమిటెడ్’ (NBBL), నాబార్డ్ (NABARD) అనుబంధ సంస్థ అయిన ‘నాబార్డ్ ఫైనాన్షియల్ సర్వీసెస్ లిమిటెడ్’ (NABFINS)ను తన ‘భారత్ కనెక్ట్’ (Bharat Connect) ప్లాట్‌ఫామ్‌లోని లోన్ రీపేమెంట్ కేటగిరీలోకి ఆన్‌బోర్డ్ చేసింది. ఈ భాగస్వామ్యానికి కెనరా బ్యాంక్ ‘బిల్డర్ ఆపరేటింగ్ యూనిట్’ (BOU)గా వ్యవహరించింది.
Bharat Connect Loan Repayment | లక్ష మందికి పైగా లబ్ధి..
భారతదేశంలోని 19 రాష్ట్రాల్లో విస్తరించి ఉన్న లక్ష మందికి పైగా నాబ్‌ఫిన్స్ రుణగ్రహీతలకు ఈ నిర్ణయం ద్వారా నేరుగా ప్రయోజనం చేకూరనుంది. తమ లోన్ ఈఎంఐలు , బకాయి కిస్తీలను ఇకపై దేశవ్యాప్తంగా అందుబాటులో ఉన్న 1,000కి పైగా బ్యాంకింగ్, పేమెంట్ యాప్‌ల ద్వారా ఆన్‌లైన్‌లో సులభంగా చెల్లించవచ్చు. డిజిటల్ సదుపాయం లేని వారు దేశవ్యాప్తంగా ఉన్న 8 లక్షలకు పైగా ఫిజికల్ ఏజెంట్ అవుట్‌లెట్‌ల ద్వారా నగదు లేదా సహాయక మార్గాల్లో (Assisted Payments) లోన్ ఈఎంఐలు చెల్లించే వెసులుబాటు లభించింది. దీనివల్ల ఈఎంఐల చెల్లింపులో ఆలస్యం తగ్గడమే కాకుండా కస్టమర్లకు సౌకర్యవంతమైన అనుభవం లభిస్తుంది.
Bharat Connect Loan Repayment | ఆర్థిక సమానత్వానికి పెద్దపీట..
నాబ్‌ఫిన్స్ ఎండీ డాక్టర్ వై.హరగోపాల్ మాట్లాడుతూ.. దేశంలో వెనుకబడిన వర్గాలకు సురక్షితమైన, అందరికీ అందుబాటులో ఉండే డిజిటల్ చెల్లింపు పరిష్కారాలను అందించడంలో ఈ భాగస్వామ్యం మరో ముందడుగు అని పేర్కొన్నారు. కెనరా బ్యాంక్ ఈడీ సునీల్ కుమార్ చుగ్ మాట్లాడుతూ.. మైక్రోఫైనాన్స్ రంగంలో డిజిటల్ ఆవిష్కరణలను ప్రోత్సహించడానికి, ఆర్థిక సమానత్వాన్ని (Financial Inclusion) పెంచడానికి కెనరా బ్యాంక్ కట్టుబడి ఉందని తెలిపారు. అలాగే, ఎన్‌బీబీఎల్ ఎండీ & సీఈఓ డాక్టర్ నూపూర్ చతుర్వేది మాట్లాడుతూ.. మైక్రోఫైనాన్స్ లోన్ సేకరణను డిజిటలైజ్ చేయడంలో ఇది ఒక కీలక మైలురాయి అని వ్యాఖ్యానించారు.
Bharat Connect Loan Repayment | వేగవంతమైన వృద్ధి..
భారత్ ( India )కనెక్ట్ ప్లాట్‌ఫామ్‌లో ప్రస్తుతం బ్యాంకులు, ఎన్‌బీఎఫ్‌సీలు (NBFCs), మైక్రోఫైనాన్స్ సంస్థలతో కలిపి 400కి పైగా బిల్డర్‌లు ఉన్నారు. 2026-27 ఆర్థిక సంవత్సరం ప్రథమార్థంలో (H1) ఈ కేటగిరీ ద్వారా సుమారు రూ.1.23 లక్షల కోట్ల విలువైన 18.8 కోట్లకు పైగా లావాదేవీలు నమోదయ్యాయి. గత ఏడాదితో పోలిస్తే లావాదేవీల పరిమాణంలో 18 శాతం, మొత్తం విలువలో 31 శాతం వృద్ధి నమోదవ్వడం విశేషం.
ఇది కూడా చదవండి: Temple Dispute | దళితులు వర్సెస్ వీడీసీ.. ఆలయ నిర్మాణంపై కొనసాగుతున్న సందిగ్ధత
