అక్షరటుడే, వెబ్డెస్క్ : GPO Bribery Case | మంచిర్యాల జిల్లా మోసం గ్రామ పాలన అధికారి (GPO) డి శ్రీనివాస్ లంచం తీసుకుంటూ ఏసీబీ అధికారులకు చిక్కాడు. ఓ వ్యక్తి భూ రికార్డులు సరి చేస్తానని ఆయన రూ.22 వేల లంచం డిమాండ్ చేశాడు.
మోసం జీపీవోగా శ్రీనివాస్ పని చేస్తున్నాడు. గ్రామానికి చెందిన ఓ వ్యక్తి తండ్రి పేరును రెవెన్యూ రికార్డుల్లో సరి చేయడం, వ్యవసాయ భూమిని వారసత్వంగా పొందేందుకు వీలు కల్పిస్తానని లంచం అడిగాడు. దీంతో బాధితుడు ఏసీబీ అధికారులను ఆశ్రయించాడు. ఈ మేరకు ఫిర్యాదుదారుడి నుంచి గురువారం రూ.22 వేల లంచం తీసుకుంటుండగా.. ఏసీబీ (ACB) అధికారులు జీపీవో శ్రీనివాస్ను రెడ్ హ్యాండెడ్గా పట్టుకున్నారు. అతడిపై కేసు నమోదు చేసి, అరెస్ట్ చేశారు.
GPO Bribery Case | జోరుగా అవినీతి
తెలంగాణలో గతంలో వీఆర్వో (VROO) వ్యవస్థ ఉండేది. అయితే చాలా మంది వీఆర్వోలు భారీగా లంచాలు తీసుకొని గ్రామాల్లో వందలాది మంది రైతుల రికార్డులను తారుమారు చేశారు. పైసలు ఇస్తేనే వీఆర్వోలు పని చేసే పరిస్థితులు ఉండేవి. ఈ క్రమంలో అప్పటి బీఆర్ఎస్ ప్రభుత్వం వీఆర్వో వ్యవస్థను రద్దు చేసింది. దీంతో గ్రామస్థాయిలో అవీనితికి కొంత అడ్డుకట్ట పడింది. అయితే కాంగ్రెస్ అధికారంలోకి వచ్చాక.. వీఆర్వో వ్యవస్థ స్థానంలో జీపీవోలను తీసుకొచ్చింది. గతంలో వీఆర్వో, వీఆర్ఏలుగా పని చేసిన వారిని జీపీవోలుగా నియమించింది. దీంతో వీరిలో కొందరు మళ్లీ చేతివాటం ప్రదర్శిస్తున్నారు. పై అధికారుల దగ్గర పనులు చేయిస్తామని ప్రజల నుంచి డబ్బులు వసూలు చేస్తున్నారు.
దీనిని కూడా చదవండి : Hyderabad Bus Theft | సినీ ఫక్కీలో ఛేజింగ్.. అర కిలోమీటరు పరిగెత్తి దొంగను పట్టుకున్న ఎక్సైజ్ కానిస్టేబుల్
