అక్షరటుడే, వెబ్డెస్క్ : Other Duty Facility | రాష్ట్ర ప్రభుత్వం కీలక నిర్ణయం తీసుకుంది. పలు ఉద్యోగ, ఉపాధ్యాయ సంఘాల అధ్యక్షులకు అదర్ డ్యూటీ (ఓడీ) కల్పించింది. ఈ మేరకు ఉత్తర్వులు జారీ చేసింది.
ప్రభుత్వం 2026 క్యాలెండర్ సంవత్సరానికి డిప్యూటీ కలెక్టర్ల అసోసియేషన్, తెలంగాణ తహశీల్దార్ల అసోసియేషన్, తపస్ (తెలంగాణ ప్రాంత ఉపాధ్యాయ సంఘం), స్కూల్ టీచర్స్ ఫెడరేషన్, ప్రభుత్వ జూనియర్ లెక్చరర్ల అసోసియేషన్ అధ్యక్షులకు రొటేషన్ పద్ధతిలో “Other Duty” సౌకర్యాన్ని మంజూరు చేస్తూ ఉత్తర్వులను జారీ చేసింది.
Other Duty Facility | ఓడీ అంటే ఏమిటీ?
అదర్ డ్యూటీ అంటే ఉద్యోగి తన సాధారణ విధులు చేసే స్థానంలో కాకుండా, శాఖ లేదా ప్రభుత్వం అప్పగించే ప్రత్యేక పనులు నిర్వహించాల్సి ఉంటుంది. ఉద్యోగ సంఘాల నేతల విషయంలో కొన్ని ప్రభుత్వ శాఖల్లో లేదా సంస్థల్లో వారికి సంఘ కార్యకలాపాలు నిర్వహించేందుకు పరిమిత స్థాయిలో ఈ సౌకర్యం ఇస్తారు. దీంతో వారు ఉద్యోగుల సమస్యలను అధికారుల దృష్టికి తీసుకెళ్లడం, చర్చలు, సమావేశాలు, సంప్రదింపుల్లో పాల్గొనడం, సంఘానికి సంబంధించిన అధికారిక కార్యక్రమాలు నిర్వహించడం వంటి పనులు చేసుకునే అవకాశం ఉంటుంది.
తెలంగాణ ప్రభుత్వం 2026 క్యాలెండర్ సంవత్సరానికి గాను డిప్యూటీ కలెక్టర్లు, తహసీల్దార్లు, ఉపాధ్యాయులు సహా ఐదు ఉద్యోగ సంఘాల అధ్యక్షులకు రొటేషన్ పద్ధతిలో “Other Duty” సౌకర్యాన్ని మంజూరు చేస్తూ రాష్ట్ర ప్రభుత్వం అధికారికంగా ఉత్తర్వులను జారీ చేసింది. pic.twitter.com/Ap9FGfBTWP
— TG Govt Updates (@TGGovtUpdates) June 6, 2026
దీనిని కూడా చదవండి : Waqf Board Inspector Bribe | ఏసీబీకి చిక్కిన వక్ఫ్బోర్డు ఇన్స్పెక్టర్
