అక్షరటుడే, కామారెడ్డి: Summer special camps | జిల్లాలోని 6 నుండి 9 వ తరగతి చదువుతున్న విద్యార్థుల కోసం 21 ప్రత్యేక వేసవి శిబిరాలు (summer camps) నిర్వహించనున్నట్లు జిల్లా విద్యాశాఖ అధికారి రాజు (Kamareddy DEO Raju) తెలిపారు. ఈ మేరకు బుధవారం ఒక ప్రకటన విడుదల చేశారు.
Summer special camps | ప్రజాపాలన–ప్రగతి ప్రణాళిక..
ప్రజాపాలన-ప్రగతి ప్రణాళికలో కార్యక్రమాల్లో భాగంగా ఈనెల 11 నుండి ప్రారంభమయ్యే విద్యావారోత్సవాల ప్రారంభం రోజు ఈ శిబిరాలు సైతం ప్రారంభమవుతాయన్నారు. పీఎంశ్రీ పాఠశాలలలో 15 రోజుల పాటు నిర్వహించే ఈ శిబిరాలలో స్థానిక వసతులను బట్టి స్టిచింగ్, సంగీతం, శాస్త్రీయ నృత్యం, డ్రాయింగ్, వ్యక్తిత్వ వికాసం, ఇండోర్ క్రీడలు, కరాటే(Karate), యోగా, స్పోకెన్ ఇంగ్లిష్ తదితర అంశాల్లో విద్యార్థులకు ఉదయం 8 గంటల నుండి 12 గంటల వరకు శిక్షణ ఇస్తారని తెలిపారు. ఈ శిక్షణలో విద్యార్థులకు బ్రేక్ ఫాస్ట్ లేదా స్నాక్స్ కూడా అందిస్తామన్నారు. జిల్లాలోని విద్యార్థులు ఆయా మండలాల్లో నిర్వహించే ఈ శిబిరాలను సద్వినియోగం చేసుకోవాలని సూచించారు.
Summer special camps | ఈ పాఠశాలల్లో..
తాడ్వాయి(Tadwai) మండల విద్యార్థులు కామారెడ్డి (Kamareddy education) బాలుర పాఠశాలలో, మాచారెడ్డి మండల విద్యార్థులు పాల్వంచ పాఠశాలలో, మహమ్మద్ నగర్ మండల విద్యార్థులు నిజాంసాగర్ మోడల్ స్కూల్లో, డోంగ్లి మండల విద్యార్థులు మద్నూర్లో హాజరు కావాల్సి ఉంటుందన్నారు. కామారెడ్డి అర్బన్ విద్యార్థులు బాలుర పాఠశాలలో, రూరల్ విద్యార్థులు చిన్నమల్లారెడ్డి పాఠశాలలో హాజరు కావాలని, మిగిలిన మండల విద్యార్థులు ఆయా మండలాల్లో ఉన్న ప్రభుత్వ లేదా మోడల్ పీఎంశ్రీ పాఠశాలల్లో(PM SHRI schools) సమ్మర్ క్యాంప్లకు హాజరు కావాలన్నారు.
ఇది కూడా చదవండి: Election Commission Case|సుప్రీంకోర్టులో కేంద్రానికి షాక్.. ఆ విన్నపాన్ని తోసిపుచ్చిన ధర్మాసనం!
