అక్షరటుడే వెబ్డెస్క్: India GDP Growth | భారత ఆర్థిక వ్యవస్థ మరోసారి అత్యుత్తమ బలమైన వృద్ధిని కనబరిచింది. 2026-27 ఆర్థిక సంవత్సరం తొలి త్రైమాసికంలో (ఏప్రిల్-జూన్) దేశ వాస్తవ జీడీపీ 7.8% వృద్ధి చెందింది. రిజర్వ్ బ్యాంక్ ఆఫ్ ఇండియా (RBI) అంచనా వేసిన 7% కంటే ఇది అధికంగా ఉండటం విశేషం. ఈ పురోగతిపై ప్రధాని నరేంద్ర మోదీ హర్షం వ్యక్తం చేస్తూ, ఇది ప్రజల సమష్టి శక్తికి, కష్టపడి పనిచేసే తత్వానికి నిదర్శనమని పేర్కొన్నారు. ప్రపంచవ్యాప్తంగా వివిధ సవాళ్లు ఎదురవుతున్నప్పటికీ భారత్ వేగంగా ముందుకు సాగుతోందని సోషల్ మీడియా వేదికగా తెలిపారు. నిరాశావాదుల తప్పుడు ప్రచారాలను అధిగమిస్తూ దేశం ఈ ప్రగతిని సాధించిందని ఆయన కొనియాడారు.
India GDP Growth | ‘వోకల్ ఫర్ లోకల్’కు ప్రాధాన్యం..
దేశీయ ఉత్పత్తులకు ప్రాధాన్యం ఇవ్వాలని, ‘స్వదేశీ’, ‘వోకల్ ఫర్ లోకల్’ స్ఫూర్తిని ప్రజలు మరింతగా పాటించాలని ప్రధాని పిలుపునిచ్చారు. విదేశీ ప్రయాణాలను తగ్గించుకోవాలని, వివాహాలను విదేశాల్లో కాకుండా భారత్లోనే నిర్వహించేలా ‘వెడ్ ఇన్ ఇండియా’ను ప్రోత్సహించాలని సూచించారు. స్వదేశీతకు ఎంత ఎక్కువ ప్రాధాన్యం ఇస్తే అంత బలమైన భారత్ను నిర్మించగలమని పేర్కొన్నారు.
India GDP Growth | జీడీపీ గణాంక వివరాలు..
కేంద్ర గణాంకాలు, కార్యక్రమాల అమలు మంత్రిత్వ శాఖ (MoSPI) విడుదల చేసిన అధికారిక గణాంకాల ప్రకారం.. 2026-27 ఆర్థిక సంవత్సరం తొలి త్రైమాసికంలో వాస్తవ జీడీపీ రూ.81.36 లక్షల కోట్లకు చేరింది. గత ఏడాది ఇదే కాలంలో ఇది రూ.75.46 లక్షల కోట్లుగా ఉంది. అలాగే, ప్రస్తుత ధరల ఆధారంగా లెక్కించే నామమాత్ర జీడీపీ రూ.88.27 లక్షల కోట్లకు (10.3 శాతం వృద్ధి) చేరుకుంది. ఇక వాస్తవ స్థూల విలువ జోడింపు (GVA) రూ.73.82 లక్షల కోట్లతో 8.2 శాతం వృద్ధిని సాధించింది (గత ఏడాది ఇదే త్రైమాసికంలో ఇది రూ.68.21 లక్షల కోట్లుగా ఉండేది). ఈ బలమైన ఫలితాల నేపథ్యంలో పూర్తి ఆర్థిక సంవత్సరానికి ఆర్బీఐ జీడీపీ వృద్ధి అంచనాను 6.6% నుంచి 6.7%కి సవరించింది.
7.8% growth.
Strong numbers.
Even stronger confidence. pic.twitter.com/ZVPpnAXrVU
— Narendra Modi (@narendramodi) September 1, 2026
ఇది కూడా చదవండి: India S-400 Deal | భారత్కు మరో 5 ఎస్–400 విక్రయించేందుకు రష్యా ప్రతిపాదన
