అక్షరటుడే వెబ్డెస్క్:Tamil Nadu Political Shock| తమిళనాడు అసెంబ్లీ ఎన్నికల కౌంటింగ్లో ఊహించని పరిణామాలు చోటు చేసుకుంటున్నాయి. దశాబ్దాల రాజకీయ చరిత్ర కలిగిన డీఎంకే పార్టీకి ఓటర్లు గట్టి షాక్ ఇచ్చారు. ప్రస్తుత ట్రెండ్స్ ప్రకారం, అధికార పక్షం కంచుకోటలు బద్దలవుతున్నాయి. ముఖ్యంగా ముఖ్యమంత్రి ఎం.కె. స్టాలిన్ తన సొంత నియోజకవర్గమైన కొలత్తూరులో, డిప్యూటీ సీఎం ఉదయనిధి స్టాలిన్ చెపాకంలో వెనుకంజలో ఉండటం రాజకీయ వర్గాలను విస్మయానికి గురిచేస్తోంది. వీరితో పాటు దాదాపు 28 మంది మంత్రులు ఓటమి దిశగా సాగుతుండటంతో రాష్ట్రంలో పెను సంచలనం నమోదవుతోంది.
Tamil Nadu Political Shock|100కు పైగా స్థానాల్లో ఆధిక్యం..
రాష్ట్రంలో ఈసారి సరికొత్త రాజకీయ శకం మొదలవుతున్నట్లు కనిపిస్తోంది. సినీ నటుడు విజయ్ నేతృత్వంలోని టీవీకే (TVK) పార్టీ అరంగేట్రంలోనే అద్భుత ప్రదర్శన చేస్తోంది. ఎవరూ ఊహించని విధంగా 100కు పైగా స్థానాల్లో ఆధిక్యం ప్రదర్శిస్తూ టీవీకే అభ్యర్థులు దూసుకుపోతున్నారు. గతంలో ఎన్నడూ లేని విధంగా మూడో స్థానానికి పడిపోయిన డీఎంకే కేవలం 51 స్థానాల్లో మాత్రమే ఆధిక్యంలో ఉండగా, ప్రతిపక్ష ఏఐడీఎంకే (AIADMK) 72 స్థానాల్లో లీడ్ను కొనసాగిస్తూ రెండో స్థానంలో నిలిచింది.
Tamil Nadu Political Shock|ప్రధాన పార్టీల అంచనాలు తలకిందులు..
ప్రస్తుత ఫలితాల సరళిని గమనిస్తే తమిళనాడులో పదేళ్ల తర్వాత అధికార మార్పిడి ఖాయమనిపిస్తోంది. అధికార వ్యతిరేక పవనాలు స్పష్టంగా వీస్తుండటంతో, ప్రధాన పార్టీల అంచనాలు తలకిందులయ్యాయి. ఒకవేళ ఇదే ట్రెండ్ కొనసాగితే రాష్ట్రంలో హంగ్ ఏర్పడే అవకాశం ఉందని లేదా టీవీకే కింగ్ మేకర్గా మారే అవకాశం ఉందని విశ్లేషకులు భావిస్తున్నారు. మొత్తానికి ఈ ఎన్నికల ఫలితాలు తమిళ రాజకీయాల్లో ఒక పెద్ద మలుపుగా నిలవనున్నాయి.
ఇది కూడా చదవండి: Assam Election Results | అస్సాంలో హ్యాట్రిక్ దిశగా బీజేపీ.. 91 స్థానాల్లో అధిక్యం
