అక్షరటుడే, వెబ్డెస్క్: West Bengal Election Results | పశ్చిమ బెంగాల్ అసెంబ్లీ ఎన్నికల కౌంటింగ్ కొనసాగుతోంది. మెజారిటీ స్థానాల్లో బీజేపీ ఆధిక్యంలో ఉంది. ఆధిక్యంలో భారతీయ జనతా పార్టీ (Bharatiya Janata Party) మ్యాజిక్ ఫిగర్ను దాటేసింది.
బెంగాల్లో తొలిసారి కాషాయ జెండా ఎగరనుంది. ఒకప్పుడు కమ్యూనిస్ట్లకు కంచుకోటగా ఉన్న బెంగాల్లో తాజాగా కమలం వికసించనుంది. కమ్యూనిస్ట్లను మమత బెనర్జీ (Mamata Banerjee) అధికారం నుంచి దించేయగా.. ఆమెకు బీజేపీ షాక్ ఇవ్వనుంది. ప్రస్తుతం కొనసాగుతున్న ఎన్నికల కౌంటింగ్లో బీజేపీ హవా కొనసాగుతోంది.
West Bengal Election Results | 182 స్థానాల్లో..
బెంగాల్ (Bengal)లో మొత్తం 293 అసెంబ్లీ స్థానాలకు ఎన్నికలు జరిగాయి. అధికారం దక్కాలంటే 148 స్థానాల్లో విజయం సాధించాలి. అయితే బీజేపీ ప్రస్తుతం 182 స్థానాల్లో లీడ్లో కొనసాగుతుండటం విశేషం. టీఎంసీ 106, వామపక్ష పార్టీలు 1, కాంగ్రెస్ 1 చోట ఆధిక్యంలో ఉన్నాయి. దీంతో మూడు సార్లు సీఎంగా పని చేసిన మమత ఈ సారి అధికారానికి దూరం కానున్నారు. బీజేపీ గెలిస్తే ఆ పార్టీ నేత సువేంద్ అధికారి సీఎం అయ్యే అవకాశం ఉంది.
West Bengal Election Results | రెండు చోట్ల సీఎం వెనుకంజ
ముఖ్యమంత్రి మమత బెనర్జీ స్వయంగా రెండు చోట్ల వెనుకంజలో ఉన్నారు. నందిగ్రామ్తో పాటు, భవనిపూర్లో ఆమెపై బీజేపీ నాయకులు సువేంద్ అధికారి లీడ్లో ఉన్నారు. పుదుచ్చేరిలో సైతం బీజేపీ అధికారం దిశగా సాగుతోంది. 23 స్థానాల్లో ఆ పార్టీ లీడ్లో ఉంది. డీఎంకే 5 చోట్ల అధిక్యంలో కొనసాగుతోంది. అస్సాం, బెంగాల్, పుదుచ్చేరిలో కాషాయ జెండా రెపరెపలాడనున్నట్లు తెలుస్తోంది.
ఇది కూడా చదవండి..: Assam Election Results | అస్సాంలో హ్యాట్రిక్ దిశగా బీజేపీ.. 91 స్థానాల్లో అధిక్యం
