అక్షరటుడే వెబ్డెస్క్: Trump Iran Deal | ఇరాన్తో అమెరికా కుదుర్చుకోబోయేది కేవలం ఒక ప్రాథమిక అవగాహన ఒప్పందం మాత్రమేనని, ఇది తుది నిర్ణయం కాదని ట్రంప్ ( Trump )స్పష్టం చేశారు. ఫ్రాన్స్లో జరుగుతున్న జీ7 సదస్సులో పాల్గొన్న ఆయన, ఇరాన్ తీరుపై కీలక వ్యాఖ్యలు చేశారు. ఈ ఒప్పందంలోని అంశాలు తమకు అనుకూలంగా లేకపోయినా, లేదా ఇరాన్ ప్రవర్తనలో మార్పు రాకపోయినా.. ఆ దేశంపై దాడులు చేసేందుకు వెనుకాడబోమని ట్రంప్ తీవ్రస్థాయిలో హెచ్చరించారు. మరో రెండు రోజుల్లో ఈ ఒప్పందంపై ఇరుదేశాలు సంతకాలు చేయనున్న నేపథ్యంలో, ఆయన చేసిన ఈ ప్రకటన అంతర్జాతీయంగా చర్చనీయాంశమైంది.
Trump Iran Deal | ఎలాంటి పెట్టుబడులు పెట్టడం లేదు..
ఇరాన్ పునర్నిర్మాణం కోసం అమెరికా సుమారు 300 బిలియన్ డాలర్ల నిధులను సమకూరుస్తోందనే వార్తలను ట్రంప్ పూర్తిగా తోసిపుచ్చారు. “మేము ఎలాంటి పెట్టుబడులు పెట్టడం లేదు. మా వద్ద అటువంటి ప్రత్యేక నిధులు లేవు” అని ఆయన స్పష్టం చేశారు. ఇరాన్లో పెట్టుబడులు పెట్టాల్సిందిగా గల్ఫ్ దేశాలను తాము కోరడం లేదని ట్రంప్ తెలిపారు. ఒకవేళ ఆ దేశాలు సొంతంగా పెట్టుబడులు పెట్టడానికి ముందుకు వస్తే తమకు ఎటువంటి అభ్యంతరం లేదని, కానీ ఇరాన్ వ్యవహారశైలిపై పూర్తి స్పష్టత వచ్చే వరకు అవి వేచి చూసే అవకాశం ఉందని ఆయన పేర్కొన్నారు.
ఇది కూడా చదవండి: Nizamabad DRM | ఆర్టీసీ నిజామాబాద్ డీఆర్ఎంగా జ్యోతి
