అక్షరటుడే, వెబ్డెస్క్: CGHS Empanelled Hospitals | కేంద్ర ప్రభుత్వ ఉద్యోగులు, పెన్షనర్లకు మెరుగైన వైద్య సేవలు అందించేందుకు కేంద్ర ప్రభుత్వ ఆరోగ్య పథకం (CGHS) కీలక నిర్ణయం తీసుకుంది. ఢిల్లీ-ఎన్సీఆర్ ప్రాంతంలో మొత్తం 207 ఆస్పత్రులను సీజీహెచ్ఎస్ పరిధిలో కొత్తగా ఎంపానెల్ చేసింది. ఇందులో 190 మల్టీ-స్పెషాలిటీ ఆస్పత్రులు, 17 సూపర్-స్పెషాలిటీ ఆస్పత్రులు ఉన్నాయి.
CGHS Empanelled Hospitals | అందుబాటులోకి వైద్య సేవలు
ఈ విషయాన్ని సెంట్రల్ సెక్రటేరియట్ సర్వీస్ ఫోరం (CSS Forum) సామాజిక మాధ్యమం ‘ఎక్స్’ (ట్విట్టర్) వేదికగా వెల్లడించింది. కొత్తగా ఎంపానెల్ చేసిన ఆస్పత్రుల ద్వారా కేంద్ర ప్రభుత్వ ఉద్యోగులు, పెన్షనర్లకు వైద్య సేవల అందుబాటు మరింత పెరగడంతో పాటు, ఆస్పత్రుల ఎంపికలో విస్తృత అవకాశాలు లభిస్తాయని ఫోరం పేర్కొంది. అలాగే నాణ్యమైన ఆరోగ్య సేవలు పొందేందుకు ఈ చర్య దోహదపడుతుందని తెలిపింది.
CGHS Empanelled Hospitals | అధికారిక వెబ్సైట్లో ఆస్పత్రుల జాబితా
సీజీహెచ్ఎస్ లబ్ధిదారులు తాజా ఎంపానెల్మెంట్కు సంబంధించిన పూర్తి వివరాలు, ఆస్పత్రుల జాబితాను అధికారిక వెబ్సైట్లో పరిశీలించవచ్చని సూచించింది. కొత్తగా జాబితాలో చేరిన ఆస్పత్రులు వివిధ వైద్య విభాగాల్లో సేవలు అందించనున్నాయి.
కేంద్ర ప్రభుత్వ ఉద్యోగులు, పెన్షనర్ల ఆరోగ్య భద్రతను మరింత బలోపేతం చేయాలనే లక్ష్యంతో ఈ నిర్ణయం తీసుకున్నట్లు సంబంధిత వర్గాలు పేర్కొన్నాయి.
