అక్షరటుడే వెబ్డెస్క్: Japamala Rules | హిందూ ధర్మంలో ( Spiritual ) మంత్ర జపానికి ఎంతో విశిష్టత ఉంది. భక్తులు ఇష్టదైవాన్ని స్మరించేందుకు రుద్రాక్ష, తులసి Tulasi, స్ఫటికం, చందనం వంటి జపమాలలను ఉపయోగిస్తుంటారు. సాధారణంగా 108 పూసలు ఉండే ఈ మాలలతో జపం చేసే సమయంలో కొన్ని ప్రత్యేక నియమాలు పాటించాలని ఆధ్యాత్మిక గ్రంథాలు చెబుతున్నాయి. ముఖ్యంగా జపమాల పూసలను తిప్పేటప్పుడు ‘చూపుడు వేలు’ను ఉపయోగించకూడదనే నియమం ఉంది.
Japamala Rules | చూపుడు వేలిని ఎందుకు ఉపయోగించరు?
ఆధ్యాత్మిక విశ్వాసాల ప్రకారం.. చూపుడు వేలును సాధారణంగా ఇతరులను చూపించడం, హెచ్చరించడం లేదా ఆదేశించడానికి ఉపయోగిస్తాం. అందుకే దీనిని అహంకారం, కోపం, ఇతరులను విమర్శించడం వంటి ప్రతికూల భావాలకు ప్రతీకగా భావిస్తారు. మంత్రజపం అనేది మనసును ప్రశాంతంగా ఉంచుకుని, ఏకాగ్రతతో దైవాన్ని స్మరించే పవిత్ర సాధన. అందుకే జప సమయంలో ఆ అహంకార భావాలకు దూరంగా ఉండాలనే ఉద్దేశంతో చూపుడు వేలిని దూరంగా ఉంచుతారు.
Japamala Rules | ఏ వేలితో జపమాల తిప్పాలి..
సాధారణంగా జపమాల పూసలను బొటనవేలు , మధ్యవేలి సహాయంతో తిప్పుతూ మంత్రాన్ని జపిస్తుంటారు. ప్రతి పూసను తనవైపునకు లాగుతూ ఈ ప్రక్రియను సాగిస్తారు. కొన్ని సంప్రదాయాలలో ఉంగరపు వేలిని కూడా ఉపయోగిస్తారు. అయితే ఈ పద్ధతులు గురుపరంపర, ఆచారాలు , మంత్ర సాధన విధానాన్ని బట్టి కొద్దిగా మారవచ్చు. జపం చేసేటప్పుడు చూపుడు వేలిని వాడకపోవడం కేవలం ఒక శారీరక నియమం మాత్రమే కాదు. ఇది మనలోని అహంకారాన్ని పూర్తిగా పక్కన పెట్టి, సంపూర్ణ వినయవిధేయతలతో దైవాన్ని శరణు వేడాలనే ఆధ్యాత్మిక సందేశాన్ని ఇస్తుంది. మనసు బాహ్య ప్రపంచంపై కాకుండా పూర్తిగా మంత్రంపై నిలవాలనే లక్ష్యంతో ఈ నియమాన్ని పాటిస్తారు.
Japamala Rules | జపమాలను ఎలా ఉపయోగించాలి?
జపమాలలో సాధారణంగా 108 పూసలు ఉంటాయి. ప్రతి పూసకూ ఒకసారి మంత్రం జపిస్తూ ముందుకు సాగుతారు. కొన్ని ప్రత్యేక సందర్భాల్లో 27 లేదా 54 పూసల మాలలను కూడా వాడతారు. మాల పూర్తియిన తర్వాత మేరు పూసను దాటకుండా, అక్కడికి చేరుకున్నాక మాలను తిరగేసి (వెనక్కి తిప్పి) మళ్లీ జపాన్ని కొనసాగించడం కొన్ని సంప్రదాయాల్లో ఆచారంగా ఉంది. జపమాలను కేవలం పూసల దండగా కాకుండా, అత్యంత పవిత్రమైన సాధనంగా భక్తులు భావిస్తారు. అందుకే దానిని ఎప్పుడూ శుభ్రంగా, సురక్షితంగా ఉంచాలి. ముఖ్యంగా రుద్రాక్ష మాలల ధారణ, వినియోగం విషయంలో ప్రత్యేకమైన నియమాలు ఉంటాయని ఆధ్యాత్మిక నిపుణులు చెబుతుంటారు.
ఇది కూడా చదవండి: Kamareddy development | కామారెడ్డిలో అభివృద్ధిపై చర్చకు సిద్ధం.. కాంగ్రెస్కు బీఆర్ఎస్ సవాల్
