అక్షరటుడే వెబ్డెస్క్: Citi eFPI | విదేశీ పోర్ట్ఫోలియో ఇన్వెస్టర్ల (FPI) రిజిస్ట్రేషన్ ప్రక్రియను అత్యంత వేగవంతం చేస్తూ ప్రముఖ ఆర్థిక సంస్థ ‘సిటీ’ (Citi) సరికొత్త సేవలను ముందుకు తెచ్చింది. ముంబైలో జరుగుతున్న గ్లోబల్ ఫిన్టెక్ ఫెస్ట్లో ‘ఈఎఫ్పీఐ @ సిటీ’ (eFPI @ Citi) పేరుతో ఈ నూతన సేవలను అధికారికంగా ఆవిష్కరించారు.
Citi eFPI | 5 రోజుల్లోనే రిజిస్ట్రేషన్ ప్రక్రియ..
గతంలో ఎఫ్పీఐ రిజిస్ట్రేషన్కు కొన్ని వారాలు లేదా నెలల సమయం పట్టేది. కానీ ఈ కొత్త విధానం ద్వారా ఆ ప్రక్రియను కేవలం ఐదు పని దినాలకు కుదించారు. భారత్ను ఒక ప్రధాన పెట్టుబడి గమ్యస్థానంగా చూస్తున్న అంతర్జాతీయ ఇన్వెస్టర్లు ఎలాంటి ఇబ్బందులు లేకుండా మార్కెట్లోకి సులభంగా ప్రవేశించడానికి ఈ విధానం ఎంతో సహకరి
స్తుందని సంస్థ తెలిపింది.
Citi eFPI | సెబీ అభినందనలు..
దేశంలోని ఎఫ్పీఐ ఆస్తులలో సుమారు మూడో వంతును పర్యవేక్షిస్తున్న సిటీ ఇండియా సర్వీసెస్.. గ్లోబల్ ఇన్వెస్టర్ల అవసరాలను తీర్చడంలో కీలక పాత్ర పోషిస్తోంది. ఈ చొరవను సెబీ (SEBI) ఛైర్మన్ తుహిన్ కాంత పాండే ప్రత్యేకంగా అభినందించారు. భారతీయ మూలధన మార్కెట్లలో సాంకేతికతను వేగంగా ఉపయోగించాలనే సెబి లక్ష్యానికి ఇది పూర్తిగా అనుగుణంగా ఉందని ఆయన పేర్కొన్నారు.
Citi eFPI | దశలవారీగా అమలు..
ఈ సేవలను దశలవారీగా అమలు చేయనున్నారు. తొలి దశలో అమెరికా ( US ), ఐర్లాండ్, లక్సెంబర్గ్ దేశాలకు చెందిన పబ్లిక్ ఫండ్లకు ఈ అవకాశం కల్పిస్తున్నారు. ఆ తర్వాత రెండవ దశలో సింగపూర్, కెనడా, ఆస్ట్రేలియా, బ్రిటన్ దేశాలకు ఈ సేవలను విస్తరించనున్నట్లు సిటీ వర్గాలు వెల్లడించాయి. ఎన్ఎస్డీఎల్ (NSDL), సిటీల మధ్య డిజిటల్ అనుసంధానం ద్వారా ఈ ప్రక్రియ మరింత సులభం కానుందని ఎన్ఎస్డీఎల్ ఎండీ, సీఈవో విజయ్ చందోక్ తెలిపారు.
ఇది కూడా చదవండి: Modi Putin Meeting | చర్చలతోనే ఘర్షణలకు పరిష్కారం.. పుతిన్తో ప్రధాని మోదీ భేటీ
