అక్షరటుడే, వెబ్డెస్క్: Sep 26 Gold Prices | అంతర్జాతీయ మార్కెట్లో చోటుచేసుకున్న పరిణామాల కారణంగా దేశీయంగా బంగారం, వెండి ధరలు తగ్గుముఖం పట్టాయి. సెప్టెంబర్ 26 శనివారం నాటి వివరాల ప్రకారం ప్రధాన నగరాల్లో పసిడి రేట్లు భారీగా పడిపోయి ఆభరణాల కొనుగోలుదారులకు ఊరటనిస్తున్నాయి.
Sep 26 Gold Prices | తాజా ధరల వివరాలు..
- 24 క్యారెట్ల బంగారం (ప్యూర్ గోల్డ్): గ్రాము ధర ₹15,285గా నమోదు కాగా, 10 గ్రాముల ధర రూ. 1,51,220 సమీపంలో పలుకుతోంది.
- 22 క్యారెట్ల బంగారం (ఆభరణాల తయారీకి వాడేది): గ్రాము ధర ₹14,011 ఉండగా, 10 గ్రాముల ధర రూ. 1,40,100కి చేరింది.
- 18 క్యారెట్ల బంగారం: గ్రాము ధర ₹11,464 వద్ద స్థిరపడింది.
- వెండి: కేజీ వెండి ధర రూ. 2,35,700 వద్ద కొనసాగుతోంది.
(ఈ ధరలు సూచనాత్మకం మాత్రమే. స్థానిక జ్యువెలరీ షాపుల్లో మేకింగ్ ఛార్జీలు, తరుగు మరియు 3% GST కలపడం వల్ల తుది బిల్లు మొత్తం కొంత మారవచ్చు).
Youtuber Home Robbery | యూట్యూబ్లో డబ్బుల వీడియో.. సీన్ కట్ చేస్తే రూ.1 కోటి, కిలో బంగారం మాయం!
Sep 26 Gold Prices | ధరలు తగ్గడానికి ప్రధాన కారణాలు
బలపడిన అమెరికన్ డాలర్: అంతర్జాతీయ మార్కెట్లో యూఎస్ డాలర్ విలువ గత కొద్ది రోజులుగా భారీగా పుంజుకుంది. బ్యారెల్ ముడి చమురు (క్రూడ్ ఆయిల్) ధర 90 డాలర్ల మార్కు వద్ద కొనసాగుతుండటం కూడా డాలర్కు డిమాండ్ను పెంచింది. డాలర్ బలంగా మారినప్పుడు సాధారణంగా బంగారంపై ఒత్తిడి పెరిగి ధరలు తగ్గుతాయి.
వడ్డీ రేట్ల పెంపు అంచనాలు: అమెరికా ఫెడరల్ రిజర్వ్ గతంలో వడ్డీ రేట్లను సవరించగా, రాబోయే అక్టోబర్లోనూ మరోసారి రేట్లను పెంచవచ్చనే వార్తలు వస్తున్నాయి. వడ్డీ రేట్లు పెరిగితే యూఎస్ ట్రెజరీ బాండ్ల రాబడి పెరుగుతుంది. దంతో పెట్టుబడిదారులు వడ్డీ లేని బంగారం కంటే బాండ్లలో పెట్టుబడులు పెట్టేందుకు ఆసక్తి చూపుతారు.
లాభాల స్వీకరణ (Profit Booking): ఆల్-టైమ్ గరిష్ఠ స్థాయిల వద్ద ఉన్న బంగారంపై ఇన్వెస్టర్లు ప్రాఫిట్ బుకింగ్కు దిగడం కూడా ధరల పతనానికి ఒక కారణం.
అంతర్జాతీయంగా ఔన్స్ బంగారం ధర 4,300 డాలర్ల వద్ద వర్తకమవుతోంది. రాబోయే పండుగల సీజన్ సమయానికి పసిడి ధరలు స్వల్పంగా తగ్గడం ఆభరణాల కొనుగోలుదారులకు కలిసివచ్చే అంశం.
