అక్షరటుడే వెబ్‌డెస్క్: Aurum Advantage | దేశంలోని ప్రముఖ ప్రైవేట్ లైఫ్ ఇన్సూరెన్స్ కంపెనీలలో ఒకటైన ఏజిస్ ఫెడరల్ లైఫ్ ఇన్సూరెన్స్ (AFLI), గిఫ్ట్ సిటీలో తొలి మల్టీ-కరెన్సీ లైఫ్ ఇన్సూరెన్స్ ప్లాన్ అయిన ‘ఔరమ్ అడ్వాంటేజ్’ (Aurum Advantage) ప్లాన్‌ను లాంచ్ చేసింది. ఈ ప్రకటనతో గుజరాత్ ఇంటర్నేషనల్ ఫైనాన్స్ టెక్-సిటీ (GIFT City) లో కంపెనీ తన అధికారిక కార్యకలాపాలను ప్రారంభించింది.
Aurum Advantage | గిఫ్ట్ సిటీలో ఏజిస్ ఫెడరల్ ..
భారతదేశపు తొలి అంతర్జాతీయ ఆర్థిక సేవల కేంద్రం (IFSC) అయిన గిఫ్ట్ సిటీలో ఏజిస్ ఫెడరల్ లైఫ్ ఇన్సూరెన్స్ తన సేవలను ప్రారంభించడంతో పాటు, అంతర్జాతీయంగా తిరిగే కస్టమర్ల కోసం ఈ సరికొత్త ప్లాన్‌ను అందుబాటులోకి తెచ్చింది. విదేశీ ఆర్థిక ప్రయోజనాలు ఉన్నవారికి ఇది ఎంతగానో ఉపయోగపడనుంది.
ఈ ఔరమ్ అడ్వాంటేజ్ ప్లాన్ ఒక యూనిట్ లింక్డ్ ఇన్సూరెన్స్ ప్లాన్ (ULIP). దీని ద్వారా కస్టమర్లు అమెరికన్ డాలర్లు (USD), యూరోలు (EUR) లేదా బ్రిటిష్ పౌండ్లు (GBP) లలో ఇన్వెస్ట్ చేయడంతో పాటు జీవిత బీమా రక్షణను పొందవచ్చు. అంతేకాకుండా, అంతర్జాతీయ ఈక్విటీలు, ఫిక్సెడ్ ఇన్‌కం , గోల్డ్ వంటి వివిధ అసెట్ క్లాస్‌లలో పెట్టుబడి పెట్టే అవకాశం లభిస్తుంది.
Aurum Advantage | ప్రత్యేక ప్రయోజనాలు..
ఎన్ఆర్ఐలు (NRIs), ఓసీఐలు (OCIs), పీఐఓలతో (PIOs) పాటు నివాస హోదాతో సంబంధం లేకుండా ఏ దేశస్థులైనా ఈ ప్లాన్‌ను తీసుకోవచ్చు. ఎంచుకున్న కరెన్సీని బట్టి కనీసం 3,000 డాలర్లు, యూరోలు లేదా పౌండ్లు చెల్లించి ఈ ప్లాన్ తీసుకోవడానికి అర్హులు. ఇందులో ఎలాంటి లాక్-ఇన్ పీరియడ్ లేకుండా పాక్షిక విత్‌డ్రాయల్ (Partial withdrawal) సౌకర్యంతో పాటు మెచ్యూరిటీ బెనిఫిట్స్, లాయల్టీ అడిషన్స్ , డెత్ బెనిఫిట్స్ లభిస్తాయి.
Aurum Advantage | విస్తరణ ప్రణాళికలు..
మధ్యప్రాచ్యం (Middle East), ఉత్తర అమెరికా ( US ), యూరోప్, యూకే, సింగపూర్ , ఆస్ట్రేలియా వంటి కీలక అంతర్జాతీయ మార్కెట్లలోని కస్టమర్లకు ఈ సేవలు విస్తరించనున్నట్లు కంపెనీ తెలిపింది. భవిష్యత్తులో తమ గిఫ్ట్ సిటీ పోర్ట్‌ఫోలియోలోకి టర్మ్ ఇన్సూరెన్స్ , పెన్షన్ ప్రొడక్ట్‌లను కూడా చేర్చాలని ఏజిస్ ఫెడరల్ లైఫ్ ఇన్సూరెన్స్ యోచిస్తోంది.
ఇది కూడా చదవండి: Modi Political Journey | మోదీ రాజకీయ ప్రస్థానం దేశాభివృద్ధికి సువర్ణాధ్యాయం
