అక్షరటుడే వెబ్‌డెస్క్: Top Startups Hyderabad 2026 | ప్రపంచంలోనే అతిపెద్ద ప్రొఫెషనల్ నెట్‌వర్క్ అయిన ‘లింక్డ్ఇన్’ (LinkedIn).. కెరీర్ పరంగా అద్భుతంగా రాణిస్తున్న వర్ధమాన కంపెనీలతో కూడిన ‘టాప్ స్టార్టప్స్ హైదరాబాద్ 2026’ జాబితాను తాజాగా విడుదల చేసింది. ఉద్యోగుల వృద్ధి, ఎంగేజ్‌మెంట్, ఉద్యోగావకాశాలపై ఆసక్తి, అత్యుత్తమ ప్రతిభను ఆకర్షించడం వంటి వివిధ అంశాల ప్రాతిపదికన ఈ జాబితాను రూపొందించారు.
Top Startups Hyderabad 2026 | టాప్ కంపెనీలు ఇవే..
ఇండియా టాప్ స్టార్టప్స్ జాబితాలాగే, హైదరాబాద్ జాబితాలోనూ క్విక్-కామర్స్ దిగ్గజం ‘జెప్టో’ మొదటి స్థానంలో నిలవగా, ‘జెహ్ ఏరోస్పేస్’ రెండో స్థానాన్ని దక్కించుకుంది. గత ఏడాది మాదిరిగానే ‘స్వైప్’ మూడో స్థానాన్ని నిలబెట్టుకోగా, ‘విజెన్ లైఫ్ సైన్సెస్’ నాలుగో స్థానానికి చేరుకుంది. ఈ ర్యాంకింగ్‌లు నగరంలోని స్టార్టప్ పర్యావరణ వ్యవస్థ బలాన్ని స్పష్టంగా చాటుతున్నాయి.
Top Startups Hyderabad 2026 | పెరుగుతున్న అవకాశాలు..
ఈ ఏడాది జాబితాలో కృత్రిమ మేధస్సు (AI), డిజిటల్ ఐడెంటిటీ, ఎడ్యుకేషన్ రంగాలకు చెందిన స్టార్టప్‌లు ప్రముఖ స్థానం సంపాదించుకున్నాయి. డిజిటల్ ఐడెంటిటీ సొల్యూషన్స్ ఇస్తున్న ‘ఈక్వల్’ 5వ స్థానంలో నిలవగా, తెలుగు మాట్లాడే విద్యార్థులకు టెక్నాలజీ విద్యను అందిస్తున్న ‘ఫ్రంట్‌లైన్స్ ఎడ్యుటెక్’ 6వ స్థానంలో ఉంది. మ్యాథమెటిక్స్ విద్యను సులభతరం చేస్తున్న ‘భాంజు’ 7వ స్థానంలో, ఏఐ ఆధారిత సేవలు అందిస్తున్న ‘బీకాన్.లి’, ‘యాల్’లతో పాటు ఎలక్ట్రిక్ కమర్షియల్ వెహికల్స్ తయారీ రంగంలోని ‘క్యుసెవ్ టెక్నాలజీస్’ వరుసగా 8, 9, 10 స్థానాల్లో నిలిచాయి.
Top Startups Hyderabad 2026 | నిపుణుల సూచనలు..
ఈ సందర్భంగా లింక్డ్ఇన్ కెరీర్ నిపుణులు నిరాజిత బెనర్జీ పలు కీలక సూచనలు చేశారు. ఉద్యోగార్థులు కేవలం వేకెన్సీలనే కాకుండా కంపెనీ గ్రోత్ సాధిస్తున్న విధానాన్ని గమనించాలని సూచించారు. అభ్యర్థులు అప్లై చేయడానికి ముందే కంపెనీ బిజినెస్ మోడల్‌పై పూర్తి అవగాహన పెంచుకోవాలని, నిపుణులతో ముందే ప్రొఫెషనల్ నెట్‌వర్కింగ్ పెంచుకోవడం ద్వారా కొత్త అవకాశాలను సులభంగా అందుకోవచ్చని స్పష్టం చేశారు.
ఇది కూడా చదవండి: Vangaveeti Radha | జనసేనలో చేరిన వంగవీటి రాధా
