అక్షరటుడే వెబ్‌డెస్క్: Sound Wave Fire Extinguisher | నీరు , ఎలాంటి రసాయనాలు (కెమికల్స్) అవసరం లేకుండా, సౌండ్‌తోనే (Sound Waves) మంటలను ఆర్పే వినూత్న పరికరాన్ని మెక్సికోలోని తమావులిపాస్‌కు చెందిన 17 ఏళ్ల విద్యార్థిని ఆంజెలా కరీమ్ హెర్నాండెజ్ వెనెగాస్ రూపకల్పన చేసింది. సాధారణ ఫైర్ ఎక్స్‌టింగిషర్‌ల మాదిరిగానే ఎక్కడికైనా సులభంగా తీసుకెళ్లేందుకు వీలుగా దీనిని తయారుచేసింది.
Sound Wave Fire Extinguisher | సాంకేతికత ఎలా పనిచేస్తుంది?
ఈ పరికరానికి ‘వార్టెక్స్ టెక్’ (Vortex Tech) అని నామకరణం చేశారు. దీని తయారీలో 12-వోల్ట్ బ్యాటరీ, ఫ్రీక్వెన్సీ జెనరేటర్, యాంప్లిఫైయర్, స్పీకర్ , గొట్టంలా పనిచేసే ఒక ప్రత్యేక బకెట్‌ను ఉపయోగించారు. ఈ పరికరం సెకనుకు 30 సౌండ్ పల్సెస్ చొప్పున 30 హెర్ట్జ్ (30 Hz) తక్కువ ఫ్రీక్వెన్సీ గల ధ్వని తరంగాలను ఉత్పత్తి చేస్తుంది. స్పీకర్ ద్వారా వెలువడే ఈ ధ్వని తరంగాలు గొట్టం చివర ఉన్న చిన్న గుండ్రని రంధ్రం గుండా వేగంగా బయటకు వచ్చి ‘వార్టెక్స్ రింగ్స్’ (డోనట్ ఆకారంలో ఉండే గాలి ప్రవాహం)ను ఏర్పరుస్తాయి. ఈ గాలి ప్రవాహం మంటల చుట్టూ ఉండే ఆక్సిజన్‌ను దెబ్బతీసి, మంటలు వ్యాపించకుండా తక్షణమే ఆర్పేస్తుంది.
Sound Wave Fire Extinguisher | DARPA వీడియో స్ఫూర్తితో ..
అమెరికా రక్షణ పరిశోధనా సంస్థ (DARPA) గతంలో 13 అడుగుల పొడవైన సోనిక్ ఫిరంగిని ఉపయోగించి కేవలం ధ్వని తరంగాలతో మంటలను ఆర్పిన వీడియోను చూసి ఆంజెలా ఈ ప్రాజెక్ట్‌ను ప్రారంభించింది. “ధ్వని తరంగాలతో ఒక చిన్న కొవ్వొత్తిని ఆర్పవచ్చని నిరూపించడమే నా ప్రాథమిక లక్ష్యం. DARPA వీడియో ఈ విధానం సాధ్యమేనని నాకు నమ్మకాన్ని ఇచ్చింది” అని ఆమె తెలిపింది.
వారాల కొద్దీ పరిశోధనలు, రెండు నెలల నిరంతర శ్రమ తర్వాత రూపొందించిన ఈ పరికరం ప్రస్తుతం ఐదవ ప్రొటోటైప్ (5th Prototype) దశకు చేరుకుంది. ఆరు అడుగుల దూరంలో ఉన్న చిన్న చిన్న మంటలను ఇది సులభంగా ఆర్పగలదు. కొవ్వొత్తులు, చెక్క, మండే ద్రవాలు, ఎలక్ట్రానిక్ పరికరాలు , వంట నూనె వల్ల ఏర్పడే మంటలపై ఇప్పటివరకు వందకు పైగా పరీక్షలు నిర్వహించి దీనిని విజయవంతంగా పరీక్షించారు.
Sound Wave Fire Extinguisher | గోల్డ్ మెడల్ కైవసం..
ఇండోనేషియాలో జరిగిన 2026 ఇంటర్నేషనల్ సైన్స్ అండ్ ఇన్వెన్షన్ ఫెయిర్ (ISIF 2026) పోటీలలో ఆంజెలా తన ‘వార్టెక్స్ టెక్’ పరికరాన్ని ప్రదర్శించింది. అంతర్జాతీయ స్థాయిలో ప్రదర్శించిన ఈ ఆవిష్కరణకు అత్యున్నత స్వర్ణ పతకం (Gold Medal) దక్కడంతో పాటు ప్రత్యేకంగా IYSA సెమీ గ్రాండ్ అవార్డు లభించింది.
ఈ విజయంపై స్పందిస్తూ.. “నెలల తరబడి చేసిన కృషి, ప్రయోగాలు , పట్టుదలకు దక్కిన ప్రతిఫలమిది. మెక్సికన్ సైన్స్ , ఇన్నోవేషన్‌కు ఎంతటి సత్తా ఉందో ప్రపంచానికి చాటిచెప్పేందుకు మా ప్రాజెక్ట్ ఇండోనేషియా వరకు వెళ్ళింది. ఈ గోల్డ్ మెడల్ కేవలం గుర్తింపు మాత్రమే కాదు. అనుకున్న ఆలోచనను నమ్మి ఓటమిని అంగీకరించకుండా ముందుకు సాగితే ఏదైనా సాధించవచ్చనే దానికి నిదర్శనం” అని హర్షం వ్యక్తం చేసింది.
నీళ్లు, కెమికల్స్ అక్కర్లేదు.సౌండ్‌తోనే మంటలార్పొచ్చు..
మెక్సికోకు చెందిన 17 ఏళ్ల విద్యార్థిని ఏంజెలా కరీమ్ హెర్నాండెజ్ ‘వోర్టెక్స్ టెక్’ పేరుతో వినూత్నమైన అగ్నిమాపక పరికరాన్ని రూపొందించినట్లు సమాచారం. ఈ పరికరం తక్కువ ఫ్రీక్వెన్సీ సౌండ్ వేవ్స్‌ను ఉపయోగించి మంటలను ఆర్పేందుకు రూపొందించబడింది. రెండు నెలల పాటు ప్రయోగాలు చేసి, చెక్క, ప్లాస్టిక్, ఎలక్ట్రానిక్ వస్తువులు, వంట నూనె మంటలపై పరీక్షలు చేసినట్లు కథనం పేర్కొంది. ఇండోనేషియాలో జరిగిన అంతర్జాతీయ సైన్స్ అండ్ ఇన్వెన్షన్ ఫెయిర్‌లో ఈ ప్రాజెక్ట్‌కు గోల్డ్ మెడల్ లభించినట్లు సమాచారం. యువత ఆలోచనలు, పట్టుదల కొత్త ఆవిష్కరణలకు ఎలా దారితీస్తాయో ఈ కథనం తెలియజేస్తోంది.
#scienceinnovation #younginventor #firefightingtechnology #soundwaves #mexico #aksharatoday
— Akshara Today | Telugu News (@AksharaToday) October 28, 2026
ఇది కూడా చదవండి: KTR | రాష్ట్రంలో ఎమర్జెన్సీ పాలన : కేటీఆర్
