అక్షరటుడే, వెబ్డెస్క్: Murassu Cyclone | బంగాళాఖాతంలో ఏర్పడిన మురాసు తుపాన్ ప్రభావం తగ్గిపోయింది. తీరం దాటిన అనంతరం తుపాన్ బలహీనపడింది. దీంతో తెలుగు రాష్ట్రాల్లో వర్షాలు తగ్గుముఖం పట్టాయి.
తుపాన్ ప్రభావంతో నాలుగు రోజులుగా ఏపీలో భారీ వర్షాలు కురుస్తున్న విషయం తెలిసిందే. తెలంగాణ (Telangana)లోని పలు జిల్లాల్లో సైతం వానలు దంచి కొట్టాయి. అయితే తుపాన్ పోవడంతో వర్షాలు తగ్గుముఖం పడుతాయని వాతావరణ శాఖ అధికారులు తెలిపారు. తుపాన్ ఫలితంగా మిగిలిపోయిన తేమ కారణంగా ఈ రోజు దక్షిణ, తూర్పు తెలంగాణ వ్యాప్తంగా అక్కడక్కడ ఉరుములతో కూడిన వర్షాలు కురుస్తాయి.
Murassu Cyclone | ఆ జిల్లాల్లో..
నల్గొండ, సూర్యాపేట, ఖమ్మం, భద్రాద్రి – కొత్తగూడెం, మహబూబాబాద్, రంగారెడ్డి, నాగర్‌కర్నూలు జిల్లాల్లో గురువారం మధ్యాహ్నం నుంచి రాత్రి వరకు అక్కడక్కడ ఉరుములతో కూడిన వర్షాలు కురిసే అవకాశం ఉంది. ఇతర జిల్లాల్లో మధ్యాహ్నం నుంచి రాత్రి వరకు అక్కడక్కడ ఉరుములతో కూడిన వర్షాలు కురిసే అవకాశం ఉంది. నవంబర్ 7/8 తేదీల నుండి తెలంగాణలో పొడి వాతావరణం నెలకొంటుంది. ఆ తర్వాత చలి తీవ్రత పెరుగుతుంది.
ఇది కూడా చదవండి..: Green SM cabs | హైదరాబాద్‌లోకి వియత్నాం ఎలక్ట్రిక్ క్యాబ్స్ ‘గ్రీన్ ఎస్ఎం’.. కిలోమీటర్‌కు రూ.9 మాత్రమే! ఓలా, ఉబెర్ డ్రైవర్లలో ఆందోళన
