అక్షరటుడే, వెబ్డెస్క్: Dhurandhar 2 Collections | బాలీవుడ్ స్టార్ రణ్వీర్ సింగ్ (Ranveer Singh) హీరోగా నటించిన ధురంధర్: ది రివెంజ్ చిత్రం బాక్సాఫీస్ వద్ద తన జోరును ఏమాత్రం తగ్గించుకోవడం లేదు. ఆదిత్య ధర్ దర్శకత్వంలో తెరకెక్కిన ఈ భారీ స్పై యాక్షన్ డ్రామా ఇప్పటికే ఇండియన్ సినిమా చరిత్రలోనే అత్యధిక వసూళ్లు సాధించిన చిత్రాల్లో ఒకటిగా నిలిచింది.
తాజాగా ఈ సినిమా విడుదలై 50 రోజులు పూర్తి చేసుకుంది. అయినప్పటికీ థియేటర్లలో మంచి ఆక్యుపెన్సీతో ప్రదర్శితమవుతూ వసూళ్ల వర్షం కురిపిస్తోంది. ట్రేడ్ ట్రాకింగ్ వెబ్సైట్ sacnilk.com నివేదిక ప్రకారం.. సినిమా 50వ రోజు కూడా సుమారు రూ.50 లక్షల నెట్ కలెక్షన్ సాధించడం విశేషం.రిలీజ్ తర్వాత 8వ గురువారం అయిన 50వ రోజున ఈ చిత్రం రూ.50 లక్షల నెట్, రూ.59 లక్షల గ్రాస్ వసూలు చేసింది. 49వ రోజు వచ్చిన రూ.52 లక్షల నెట్ కలెక్షన్తో పోలిస్తే దాదాపు 15 శాతం తగ్గుదల కనిపించినా.. ఇంకా సినిమా బాక్సాఫీస్ వద్ద నిలకడగా కొనసాగుతుండడం ట్రేడ్ వర్గాలను ఆశ్చర్యపరుస్తోంది.
Dhurandhar 2 Collections | ఏడో వారంలోనే రూ.5.58 కోట్ల వసూళ్లు
సినిమా 7వ వారంలో కూడా అద్భుతమైన కలెక్షన్లు నమోదు చేసింది. వారాంతంలో ప్రేక్షకుల స్పందన బలంగా ఉండటంతో మొత్తం వారానికి రూ.5.58 కోట్ల నెట్ వసూళ్లు వచ్చాయి.
44వ రోజు (శుక్రవారం): రూ.1.05 కోట్లు
45వ రోజు (శనివారం): రూ.1.15 కోట్లు
46వ రోజు (ఆదివారం): రూ.1.31 కోట్లు
47వ రోజు (సోమవారం): రూ.50 లక్షలు
48వ రోజు (మంగళవారం): రూ.55 లక్షలు
49వ రోజు (బుధవారం): రూ.52 లక్షలు
50వ రోజు (గురువారం): రూ.50 లక్షలు
Dhurandhar 2 Collections | 50 రోజుల్లో మొత్తం ఎంత వసూలు చేసింది?
50 రోజుల రన్ ముగిసే సరికి ధురంధర్: ది రివెంజ్ ఇండియాలోనే రూ.1140.67 కోట్ల నెట్ కలెక్షన్ సాధించింది. గ్రాస్ పరంగా ఇది రూ.1365.20 కోట్లకు చేరింది. ఇక ఓవర్సీస్ మార్కెట్లో కూడా ఈ చిత్రం భారీ ప్రభావం చూపింది. విదేశాల్లో దాదాపు రూ.426.35 కోట్ల గ్రాస్ వసూళ్లు సాధించింది. దీంతో ప్రపంచవ్యాప్తంగా సినిమా మొత్తం రూ.1791.55 కోట్ల గ్రాస్ కలెక్షన్ రాబట్టి సంచలన రికార్డు సృష్టించింది. సుమారు రూ.225 కోట్ల బడ్జెట్తో రూపొందిన ఈ చిత్రం నిర్మాతలకు ఊహించని స్థాయిలో లాభాలను తీసుకొచ్చింది. ఇండియాలోనే రూ.1140 కోట్లకు పైగా నెట్ వసూలు చేయడంతో, ఖర్చులు పోను దాదాపు రూ.915 కోట్లకు పైగా లాభం వచ్చినట్లు ట్రేడ్ వర్గాలు అంచనా వేస్తున్నాయి. ఇది బడ్జెట్తో పోలిస్తే 400 శాతానికి పైగా రిటర్న్స్ ఇవ్వడం విశేషం.
ఇప్పటికీ థియేటర్లలో సక్సెస్ఫుల్గా రన్ అవుతున్న నేపథ్యంలో సినిమా ఓటీటీ OTT రిలీజ్పై ఇంకా అధికారిక ప్రకటన రాలేదు. అయితే మే రెండో లేదా మూడో వారంలో జియో హాట్స్టార్ లో ఈ చిత్రం స్ట్రీమింగ్కు వచ్చే అవకాశం ఉందని సమాచారం. ఈ చిత్రంలో రణ్వీర్ సింగ్తో పాటు అర్జున్ రాంపాల్, సంజయ్ దత్, ఆర్. మాధవన్ తదితరులు కీలక పాత్రల్లో నటించారు.
ఇది కూడా చదవండి..: King 100 Leak | నాగార్జున ‘కింగ్ 100’కు బిగ్ షాక్.. లీకైన యాక్షన్ సీన్స్ వైరల్!
