అక్షరటుడే, కామారెడ్డి: Car Tanker Blast | కార్లలో దొంగచాటుగా గ్యాస్ నింపడం చట్టవ్యతిరేకమని తెలిసినా కొందరు డబ్బులకు ఆశపడి అక్రమాలకు పాల్పడుతున్నారు. డొమెస్టిక్ గ్యాస్ను యథేచ్ఛగా కార్లలో నింపుతూ సొమ్ము చేసుకుంటున్నారు. ఈ క్రమంలో ఓ కార్లో గ్యాస్ నింపుతుండగా ట్యాంకు ఒక్కసారిగా పేలిపోయింది. దీంతో మూడు కార్లు, బైక్ దగ్ధమయ్యాయి. ఈ ఘటన కామారెడ్డి (Kamareddy) పట్టణంలో శనివారం ఉదయం చోటు చేసుకుంది.
Car Tanker Blast | దేవునిపల్లిలో..
స్థానికుల కథనం ప్రకారం.. దేవునిపల్లి (Devunipally incident) గ్రామంలో ఓ కారులో సీఎన్జీ గ్యాస్ నింపుతున్నారు. ఈ క్రమంలో కారు ట్యాంకు పేలడంతో దట్టమైన పొగలు వ్యాపించి కారు దగ్ధమైంది. దాంతో పాటు గ్యాస్ నింపుతున్న కారు పక్కన పార్కింగ్ చేసి ఉన్న మరో రెండు కార్లు, ఓ బైక్ దగ్ధమయ్యాయి. కార్లు దగ్ధమయ్యే సమయంలో భారీగా శబ్దాలు రావడంతో స్థానికులు పరుగులు తీశారు. వెంటనే ఫైర్స్టేషన్ (Kamareddy Fire station) అధికారులకు సమాచారం అందించారు. ఘటనాస్థలానికి చేరుకున్న ఫైర్స్టేషన్ అధికారులు మంటలను అదుపులోకి తీసుకొచ్చారు. ఫైర్సిబ్బంది సమయానికి రాకపోయి ఉంటే చుట్టు పక్కల ఇళ్లకు మంటలు వ్యాపించి ఉండేవని స్థానికులు తెలిపారు. ఈ ఘటనలో ఎవరికి ఎలాంటి ప్రమాదం జరగకపోవడంతో ఊపిరిపీల్చుకున్నారు.
ఇది కూడా చదవండి: Biscuit Baba| కొత్తగా పుట్టుకొచ్చిన ‘బిస్కెట్ బాబా’.. భక్తి పేరుతో వికృత చేష్టలు
