అక్షరటుడే వెబ్డెస్క్: Great Indian Ravi Festival |భారతదేశపు ప్రముఖ ఆన్-డిమాండ్ కన్వీనియన్స్ ప్లాట్ఫారమ్ అయిన ‘స్విగ్గీ’ ( Swiggy ), తన అత్యంత ప్రజాదరణ పొందిన ‘స్విగ్గీ డైన్అవుట్’ ఫ్లాగ్షిప్ ఈవెంట్ అయిన ‘గ్రేట్ ఇండియన్ రెస్టారెంట్ ఫెస్టివల్’ (GIRF)ను పూర్తిగా కొత్త రూపంలో తీసుకువచ్చింది. ప్రస్తుత ట్రెండ్కు తగినట్లుగా దీనిని ‘ది గ్రేట్ ఇండియన్ రవి ఫెస్టివల్’ పేరుతో నిర్వహిస్తున్నట్లు ప్రకటించింది.
ఇంటర్నెట్లో విశేష ఆదరణ పొందుతున్న ప్రముఖ నటుడు రవి కిషన్ చుట్టూ ఈ క్యాంపెయిన్ను ప్రత్యేకంగా రూపొందించారు. ఆయన వైరల్ డైలాగ్ ఆధారంగా “డిస్కౌంట్ ఫాలోస్స్ మై బ్రదార్” (Discount Followsss My Brothaaaar) అనే ఆసక్తికరమైన థీమ్తో ఈ ఉత్సవాన్ని నిర్వహిస్తున్నారు.
Great Indian Ravi Festival | ఎక్కడెక్కడంటే..
ఈ ఫెస్టివల్ సెప్టెంబర్ 14, 2026 నుండి అక్టోబర్ 24, 2026 వరకు కొనసాగుతుంది. ఢిల్లీ, ముంబై, బెంగళూరు, హైదరాబాద్, కోల్కతా, చెన్నై వంటి ప్రధాన నగరాలతో పాటు గోవా, జైపూర్, లక్నో, ఇండోర్ వంటి ప్రాంతాలు సహా దేశవ్యాప్తంగా 84కి పైగా నగరాల్లో ఈ ఉత్సవం విస్తరించి ఉంది.
Great Indian Ravi Festival | ప్రత్యేక డిస్కౌంట్లు..
కేఫ్లు, పబ్లు, బార్లు, లగ్జరీ డైనింగ్ , ఫ్యామిలీ రెస్టారెంట్లతో కలుపుకుని మొత్తం 57,000కు పైగా రెస్టారెంట్లలో వినియోగదారులు 50% వరకు తగ్గింపును పొందవచ్చు. HDFC బ్యాంక్ కార్డులపై అదనంగా 10% తక్షణ తగ్గింపు లభిస్తుంది. అలాగే డైన్అవుట్ ద్వారా చేసే ప్రతి బుకింగ్పై 10% మొత్తాన్ని ‘డైన్క్యాష్’ రూపంలో తిరిగి పొందే అవకాశాన్ని కూడా కల్పించారు.
Great Indian Ravi Festival | ప్రముఖ బ్రాండ్లు ..
ఈ ఉత్సవంలో గుడ్ ఫ్లిప్పిన్ బర్గర్స్, పంజాబ్ గ్రిల్, యూమీ, వన్ 8 కమ్యూన్, మెయిన్ల్యాండ్ చైనా, ప్యారడైజ్ బిర్యానీ , యాబ్సొల్యూట్ బార్బెక్యూస్ వంటి ప్రముఖ బ్రాండ్లు భాగస్వామ్యం అయ్యాయి. డిజిటల్, సోషల్ మీడియా వేదికలతో పాటు స్విగ్గీ యాప్లోని స్టోరీటెల్లింగ్ ఫార్మాట్స్లో కూడా రవి కిషన్ ప్రధాన ఆకర్షణగా నిలుస్తూ ఈ పండుగ సందడిని మరింత పెంచనున్నారు.
ఇది కూడా చదవండి: RTC Bus Accident | ఆటోను ఢీకొన్న ఆర్టీసీ బస్సు.. మహిళ మృతి
