అక్షరటుడే, వెబ్డెస్క్ : Hyderabad Vijayawada Road | నిత్యం రద్దీగా ఉండే హైదరాబాద్–విజయవాడ రోడ్డు విస్తరణ పనులు వేగంగా పూర్తి చేయాలని రోడ్లు, భవనాల శాఖ మంత్రి కోమటిరెడ్డి వెంకట్రెడ్డి (Komatireddy Venkatreddy) కోరారు. నిత్యం ప్రమాదాలతో ఈ మార్గాన్ని డెత్ రోడ్గా పిలుస్తున్నారని పేర్కొన్నారు.
ఎన్హెచ్ఏఐ (NHAI) ఛైర్మన్ సంతోష్ కుమార్ యాదవ్తో మంత్రి కోమటిరెడ్డి ఆదివారం భేటీ అయ్యారు. రీజినల్ రింగ్ రోడ్డు (RRR), హైదరాబాద్ – విజయవాడ(NH-65) విస్తరణ పనులు ప్రారంభంపై చర్చించారు. ఇదే రహదారిలో ఎల్బీనగర్ (LB Nagar) నుంచి హయత్ నగర్ వరకు నాగపూర్ తరహాలో 7.1కి.మీ డబుల్ డెక్కర్ ఎలివేటెడ్ కారిడార్ నిర్మించేందుకు రాష్ట్ర ప్రభుత్వం నిర్ణయించిందన్నారు. ఈ మేరకు డీపీఆర్ను పంపినట్లు గుర్తు చేశారు.
Hyderabad Vijayawada Road | త్వరలో ప్రారంభిస్తాం
హైదరాబాద్ – విజయవాడ, రీజినల్ రింగ్ రోడ్డు నిర్మాణం కోసం టెండర్ ప్రక్రియ పూర్తి చేసి అతి త్వరలో పనులు ప్రారంభించేందుకు ఏర్పాట్లు చేస్తున్నట్లు ఎన్హెచ్ఏఐ ఛైర్మన్ తెలిపారు. తెలంగాణ రాష్ట్ర అభివృద్ధిలో కీలక భాగస్వామ్యంగా నిలిచే ప్రాజెక్టులు త్వరగా పూర్తయేలా చూడాలని మంత్రి ఆయనను కోరారు. రోడ్లు భవనాలు శాఖ స్పెషల్ సీఎస్ వికాస్ రాజ్, ప్రత్యేక కార్యదర్శి ప్రావిణ్య, ఎన్హెచ్ఏఐ రీజినల్ ఆఫీసర్ శివ శంకర్, ఆర్అండ్బీ సీఈలు ధర్మారెడ్డి, రాజేశ్వర్ రెడ్డి ఉన్నారు.
దీనిని కూడా చదవండి : Revanth Reddy | తెలంగాణపై పెద్ద మనసు చూపండి.. ప్రధాని మోదీకి రేవంత్ రెడ్డి విన్నపం!
