అక్షరటుడే, వెబ్డెస్క్ : Women’s Hockey | ఆసియా గేమ్స్ (Asian Games)లో భారత్ సంచలనం సృష్టించింది. మహిళల హాకీ టీమ్ సుదీర్ఘ నిరీక్షణకు తెరదించుతూ గోల్డ్ మెడల్ సాధించింది.
ఆసియా గేమ్స్ మహిళల హాకీ ఫైనల్లో భారత జట్టు శుక్రవారం చైనా (China)తో తలపడింది. హోరాహోరీగా సాగిన ఈ మ్యాచ్లో భారత్ 1–0 తేడాతో డిఫెండింగ్‌ చాంపియన్‌ చైనాను ఓడించి స్వర్ణం గెలిచింది. 44 ఏళ్ల తర్వాత మహిళల హాకీలో భారత్‌కు స్వర్ణం లభించడం గమనార్హం. ఈ విజయంతో భారత మహిళల జట్టు 2028 ఒలింపిక్స్‌కు అర్హత సాధించింది. 1982 తర్వాత తొలిసారిగా, ఆసియా క్రీడల్లో భారత మహిళల హాకీ జట్టు స్వర్ణ పతకాన్ని కైవసం చేసుకుంది.
Women’s Hockey | ఉత్కంఠ పోరు..
మ్యాచ్‌లోని మొదటి క్వార్టర్లో 10వ నిమిషంలో భారత క్రీడాకారిణి లాల్‌రెమ్‌సియామి హ్మార్జోటే గోల్‌ను సాధించింది. ఆ తర్వాత ఇరు జట్లు తీవ్రంగా పోరాడిన గోల్స్ చేయలేకపోయాయి. రెండో క్వార్టర్లో చైనాకు పెనాల్టీ స్ట్రోక్ లభించింది. అయితే భారత గోల్‌కీపర్ సవితా పునియా దానిని అడ్డుకుంది. చివరి క్వార్టర్లలో భారత్ తన ఆధిక్యాన్ని కాపాడుకోవడానికి సేఫ్ గేమ్ ఆడింది. దీంతో చైనా గోల్ చేయలేకపోయింది. భారత్ 1–0 తేడాతో గెలిచింది.
Done & Dusted ✅🥇🔥
After 1982 asian games in new delhi
We are winner 🏆 again
Perfect tournament by women’s hockey 🏑 team
Brilliant play throughout the tournament& Qualified for LA olympics too
My most wished win 😁
& It has come 🤍 pic.twitter.com/iIHgSnhAEZ— sasori (@namanruhela13) October 2, 2026
దీనిని కూడా చదవండి : Asian Games | రెజ్లింగ్లో పసిడి పట్టు.. బాక్సింగ్లో మూడు స్వర్ణాలు
