అక్షరటుడే, నిజామాబాద్ క్రైం: Nizamabad Daylight Theft | నగరంలో(Nizamabad) దొంగలు బీభత్సం సృష్టించారు. పట్టపగలే ఓ ఇంట్లోకి దూరి భారీ ఎత్తున సొత్తు దోచుకున్నారు.
Nizamabad Daylight Theft | వినాయక్ నగర్లోని ..
పోలీసులు తెలిపిన వివరాల ప్రకారం.. నగరంలోని 4వ టౌన్ పోలీస్స్టేషన్ పరిధిలోని వినాయక్నగర్ దత్తాత్రేయ ఆలయ సమీపంలోని ఓ ఇంట్లో వ్యక్తులు శుక్రవారం ఇంటికి తాళం వేసి బయటకు వెళ్లారు. దీనిని గమనించిన దొంగలు పట్టపగలే చోరీకి పాల్పడ్డారు. తిరిగి వచ్చిన కుటుంబీకులు ఇంటి తాళం పగలగొట్టబడి ఉండడాన్ని గమనించి వెంటనే పోలీసులకు సమాచారం అందజేశారు. హుటాహుటిన ఎస్హెచ్వో సతీష్, సిబ్బంది రమేష్, సుభాష్, పోచయ్య, సందీప్లు ఘటనాస్థలానికి చేరుకుని సమాచారం సేకరించారు. ఈ ఘటనలో 8 తులాల బంగారు నగలు, 40 తులాలకు పైగా వెండి, రూ.పదివేలు చోరీకి గురయినట్లు బాధితులు తెలిపారు. పోలీసులు దర్యాప్తు చేస్తున్నారు.
ఇది కూడా చదవండి: బాలీవుడ్ నటికి ప్రమాదం.. వెన్నెముకకు ఫ్రాక్చర్!
