అక్షరటుడే, వెబ్డెస్క్: July 27 Gold Prices | అమెరికా, ఇరాన్ Iran మధ్య గత రెండు రోజులుగా ఉద్రిక్తతలు తగ్గుముఖం పట్టడంతో అంతర్జాతీయ మార్కెట్లలో బంగారం ధరలు మళ్లీ పెరుగుదల దిశగా కదిలాయి.
సురక్షిత పెట్టుబడిగా బంగారంపై పెట్టుబడిదారుల ఆసక్తి కొనసాగుతుండటంతో సోమవారం స్పాట్ గోల్డ్ ధర ఔన్స్కు 1 శాతం వరకు పెరిగి సుమారు 4,094 డాలర్ల వద్ద ట్రేడైంది.
July 27 Gold Prices | వైమానిక దాడులకు తాత్కాలిక విరామం
అమెరికా దాదాపు రెండు వారాల పాటు కొనసాగించిన ఇరాన్పై వైమానిక దాడులకు తాత్కాలిక విరామం ఇవ్వగా, ఇరాన్ కూడా ప్రతీకార దాడులను నిలిపివేస్తున్నట్లు సంకేతాలు ఇచ్చింది.
అంతేకాకుండా హోర్ముజ్ జలసంధి గుండా నౌకాయాన భద్రతకు సంబంధించిన అంశాలపై ఒమాన్ మధ్యవర్తిత్వంలో చర్చలు కొనసాగుతున్నట్లు సమాచారం. ఈ పరిణామాలు మార్కెట్లలో కొంత సానుకూల వాతావరణాన్ని తీసుకొచ్చాయి.
మరోవైపు అంతర్జాతీయ ముడి చమురు ధరలు వారారంభంలో భారీగా క్షీణించాయి. గ్లోబల్ బెంచ్మార్క్ బ్రెంట్ క్రూడ్ ధర ప్రారంభ ట్రేడింగ్లో 7 శాతానికి పైగా పడిపోయి బ్యారెల్కు 90 డాలర్ల దిగువకు చేరింది.
అనంతరం కొంత కోలుకున్నప్పటికీ, ప్రారంభ పతనం ఇంధన మార్కెట్లలో ఆందోళనలను ప్రతిబింబించింది. ఇదే సమయంలో యెమెన్కు చెందిన హౌతీ తిరుగుబాటుదారులు సౌదీ అరామ్కోకు సంబంధించిన సదుపాయాలపై క్షిపణి దాడులు జరిపినట్లు ప్రకటించడం గమనార్హం.
July 27 Horoscope | రాయల్టీల రూపంలో అకస్మాత్తుగా ధనలాభం.. ఈ రాశుల వారిది మహర్జాతకం!
July 27 Gold Prices | పుంజుకున్న వెండి ధరలు
ఫిబ్రవరి చివర్లో అమెరికా, ఇజ్రాయెల్ ఇరాన్పై దాడులు ప్రారంభించిన తర్వాత బంగారం ధరలు గణనీయంగా తగ్గినప్పటికీ, ఇటీవల కాలంలో ఔన్స్కు 4,000 డాలర్ల స్థాయి వద్ద స్థిరంగా కొనసాగుతున్నాయి. ఈ స్థాయిని కీలక మద్దతుగా మార్కెట్ విశ్లేషకులు భావిస్తున్నారు.
మధ్యప్రాచ్య ఉద్రిక్తతలు, ఇంధన ధరల హెచ్చుతగ్గులు, అమెరికా ఫెడరల్ రిజర్వ్ వడ్డీ రేట్ల నిర్ణయంపై కొనసాగుతున్న అంచనాలు ఈ వారం బంగారం మార్కెట్పై ప్రభావం చూపే ప్రధాన అంశాలుగా విశ్లేషకులు పేర్కొంటున్నారు.
ఇక విలువైన లోహాల మార్కెట్లో వెండి ధరలు కూడా బలంగా పుంజుకున్నాయి. స్పాట్ సిల్వర్ ధర 2.7 శాతం పెరిగి ఔన్స్కు 59.72 డాలర్లకు చేరుకుంది. ప్లాటినం, పల్లాడియం ధరలు కూడా లాభాల్లో ట్రేడవుతున్నాయి. మరోవైపు బ్లూమ్బర్గ్ డాలర్ స్పాట్ ఇండెక్స్ స్వల్పంగా 0.2 శాతం తగ్గింది.
July 27 Gold Prices | హైదరాబాద్లో ధరలు..
హైదరాబాద్లో 99.9 శాతం స్వచ్ఛత కలిగిన 24 క్యారెట్ల బంగారం గ్రాము ధర రూ.14,492గా నమోదైంది. 91.6 శాతం స్వచ్ఛత కలిగిన 22 క్యారెట్ల బంగారం గ్రాము ధర రూ.13,284 ఉండగా, 75 శాతం స్వచ్ఛత కలిగిన 18 క్యారెట్ల బంగారం గ్రాము ధర రూ.10,869గా ఉంది.
