అక్షరటుడే, వెబ్డెస్క్ : Kovilpalayam police | తమిళనాడు (Tamil Nadu)లోని కోవిల్పాలయం పోలీసులు సినిమాను తలపించేలా సాహసం చేశారు. గుట్కా స్మగ్లర్ల కోసం 40 కిలోమీటర్లు ఛేజ్ చేశారు. ముగ్గురు నిందితులను అరెస్ట్ చేశారు.
ముగ్గురు నిందితులు కర్ణాటక (Karnataka) నుంచి ఒక కారులో 300 కిలోల వరకు గుట్కా, నిషేధిత పొగాకు ఉత్పత్తులను తీసుకొని కోయంబత్తూరు వస్తున్నారు. ఎస్ఐ విఘ్నేష్, హెడ్ కానిస్టేబుల్ వేల్మురుగన్లతో కూడిన సిబ్బంది కోవిల్పాలయం ప్రాంతంలో వాహనాలు తనిఖీ చేస్తున్నారు. కర్ణాటక నుంచి వస్తున్న కారును సైతం వారు ఆపారు. అనంతరం కారు డిక్కీలో ఉన్న సంచులను తనిఖీ చేయడానికి యత్నించగా రాజస్థాన్కు చెందిన ఆ ముగ్గురు నిందితులు పోలీసులను పక్కకు నెట్టివేసి, కారు వేగంగా పారిపోయారు.
Kovilpalayam police | కారుపై దూకి..
దీంతో వెంటనే స్పందించిన హెడ్ కానిస్టేబుల్ వేల్మురుగన్ నిందితుల కారుపైకి దూకాడు. పైకప్పును పట్టుకొని వేలాడుతూ నిందితులను ఆపేందుకు యత్నించాడు. అయితే వాహనంపై పోలీసు అధికారి ఉన్నారన్న విషయాన్ని పట్టించుకోకుండా, స్మగ్లర్లు అతివేగంగా వాహనాన్ని తీసుకెళ్లారు. 40 కిలోమీటర్ల వరకు ఆయన అలాగే వేలాడుతూ వెళ్లగా.. నిందితులను పట్టుకునేందుకు పోలీసులు కారులో ఛేజ్ చేశారు. చివరకు 40 కిలోమీటర్ల తర్వాత నిందితులను కారును ఆపి ముగ్గురిని అరెస్ట్ చేశారు. ఆదివారం ఉదయం ఈ ఘటన చోటు చేసుకోగా.. హెడ్ కానిస్టేబుల్ కారుపై వేలాడుతున్న వీడియో సోషల్ మీడియాలో వైరల్ అవుతోంది.
🚨 COP RIDES ON TOP OF MOVING CAR DURING 40-KM CHASE IN COIMBATORE
Kovilpalayam Police chased a car for nearly 40 km after receiving information about suspected smugglers travelling through the Vilankurichi area.
During the pursuit, a policeman reportedly climbed onto the roof… pic.twitter.com/ecVxLbPS5L
— contentkikamii (@contentkikamii) September 27, 2026
దీనిని కూడా చదవండి : Metpalli CDPO ACB Arrest | లంచానికి ఈఎంఐల స్కెచ్.. ఏసీబీ వలలో అంగన్వాడీ ప్రాజెక్ట్ ఆఫీసర్!
