అక్షరటుడే, వెబ్డెస్క్ : The Paradise Movie | హీరో నానికి పోలీసులు షాక్ ఇచ్చారు. ది ప్యారడైజ్ సినిమా చూసేందుకు అనుమతించాలని ఆయన చేసిన విజ్ఞప్తిని తిరస్కరించారు.
శ్రీకాంత్ ఓదెల దర్శకత్వంలో నాచురల్ స్టార్ నాని నటించిన ది ప్యారడైజ్ సినిమా గురువారం ప్రపంచ వ్యాప్తంగా ప్రేక్షకుల ముందుకు రానుంది. బుధవారం రాత్రి ప్రీమియర్ షోలకు ప్రభుత్వం అనుమతిచ్చింది. దీంతో నేడు రాత్రి షో కోసం అభిమానులు ఎంతో ఉత్కంఠగా ఎదురు చూస్తున్నారు. ఈ క్రమంలో హైదరాబాద్ ఆర్టీసీ క్రాస్రోడ్డులోని సంధ్య థియేటర్లో అభిమానుల మధ్య కూర్చొని ప్రీమియర్ షో చూసేందుకు తనకు అనుమతి ఇవ్వాలని నాని సీఎం రేవంత్రెడ్డి, పోలీసులను కోరారు. అయితే దీనిపై సీఎం స్పందిస్తూ.. పోలీసులు పరిశీలిస్తారని పేర్కొన్నారు.
The Paradise Movie | నిమజ్జనం నేపథ్యంలో..
నాని వినతిపై తాజాగా హైదరాబాద్ పోలీసులు (Hyderabad Police) స్పందించారు. గణేశ్ నిమజ్జన నేపథ్యంలో అనుమతి లేదని తేల్చి చెప్పారు. గత అనుభవాల దృష్ట్యా సంధ్య థియేటర్లో సినిమా చూసేందుకు అనుమతి నిరాకరించారు. గతంలో ఇదే థియేటర్లో పుష్ప–2 ప్రీమియర్ షోకు హీరో అల్లు అర్జున్ రాగా.. తొక్కిసలాట చోటు చేసుకొని ఓ మహిళ మృతి చెందింది. పలువురు గాయపడ్డారు. ఈ క్రమంలో తాజాగా పోలీసులు నానికి అనుమతి ఇవ్వలేదు.
దీనిని కూడా చదవండి : Ganesh Immersion Holiday | గణేశ్ నిమజ్జనం.. 25న పాఠశాలలకు సెలవు
