అక్షరటుడే, వెబ్డెస్క్ : Cow National Animal | ఆవును జాతీయ జంతువుగా ప్రకటించాలని ముస్లిం సంఘాలు కోరాయి. ఈ మేరకు బక్రీద్ పండుగ వేళ గురువారం సిరిసిల్లలో ముస్లింలు ప్రకార్డులు ప్రదర్శించారు.
ఆవును జాతీయ జంతువుగా ప్రకటించాలని కొన్నేళ్లుగా హిందువులు డిమాండ్ చేస్తున్న విషయం తెలిసిందే. తాజాగా ఈ డిమాండ్కు ముస్లింలు మద్దతు తెలపడం గమనార్హం. దేశవ్యాప్తంగా పలు ముస్లిం సంఘాలు ఆవును జాతీయ జంతువుగా ప్రకటించాలని డిమాండ్ చేస్తున్నాయి. అలా చేస్తే గో సంరక్షణ చట్టాల్లో ఏకరూపతకు దారితీయడంతోపాటు గో సంరక్షకుల ముసుగులో సాగుతున్న హింసకు అడ్డుకట్ట పడుతుందని పేర్కొంటున్నాయి. బక్రీద్ సందర్భంగా పలు ప్రాంతాల్లో ఆవులను వధిస్తారనే ఆరోపణలు ఉన్నాయి. ఈ క్రమంలో ముస్లిం సంఘాల ప్రతినిధులు ఆవును జాతీయ జంతువుగా ప్రకటించాలని డిమాండ్ చేయడం గమనార్హం.
Cow National Animal | మాజీ ఉపరాష్ట్రపతి సైతం
ఆవుకు జాతీయ జంతువు హోదా కల్పించాలని జమియత్ ఉలేమా-ఎ-హింద్ అధ్యక్షుడు మౌలానా అర్షద్ మదానీ ఇటీవల డిమాండ్ చేశారు. ఈ ప్రతిపాదనకు మాజీ ఉప రాష్ట్రపతి హమీద్ అన్సారీ మద్దతు తెలిపారు. ఆవును బలి ఇవ్వాలని ఏ మత గ్రంథమూ చెప్పడం లేదన్నారు. ఢిల్లీలో ముస్లిం సంఘాల సదస్సు ఏర్పాటు చేసి ఆవును జాతీయ జంతువుగా గుర్తించాలంటూ మోదీకి వినతి పత్రం అందిస్తామని మౌలానా షహబుద్దీన్ రజ్వీ తెలిపారు.
ఆవును జాతీయ జంతువుగా ప్రకటించండి: ముస్లిం సంఘాలు
బక్రీద్ పండగ వేళ సిరిసిల్లలో ఆవును జాతీయ జంతువుగా ప్రకటించాలని ప్లకార్డులు ప్రదర్శించిన ముస్లింలు pic.twitter.com/1E4jRWWsDx
— ChotaNews App (@ChotaNewsApp) May 28, 2026
దీనిని కూడా చదవండి : Telangana Tahsildars Transfer | తెలంగాణలో 12 మంది తహసీల్దార్ల బదిలీ : రెవెన్యూ శాఖ ఉత్తర్వులు జారీ
