అక్షరటుడే, వెబ్డెస్క్: US military Pacific attack | తూర్పు పసిఫిక్ మహాసముద్రంలో అమెరికా సైన్యం జరిపిన ఓ కీలక ఆపరేషన్లో ముగ్గురు అనుమానిత మాదకద్రవ్యాల స్మగ్లర్లు మరణించారు. సముద్ర మార్గంలో వెళ్తున్న నౌకపై యూఎస్ మిలిటరీ బలగాలు కాల్పులు జరిపినట్లు అమెరికా సైన్యం అధికారికంగా ప్రకటించింది.
US military Pacific attack | అక్రమ రవాణా మార్గంలో..
యూఎస్ సదరన్ కమాండ్ వెల్లడించిన వివరాల ప్రకారం… సదరు పడవ మాదకద్రవ్యాల అక్రమ రవాణాకు అత్యంత ప్రసిద్ధి చెందిన మార్గంలో ప్రయాణిస్తుండగా సైన్యం దానిని అడ్డుకుంది.
ఈ క్రమంలో జరిగిన కాల్పుల్లో ముగ్గురు అనుమానితులు హతమయ్యారు. అత్యంత వ్యూహాత్మకంగా చేపట్టిన ఈ ఆపరేషన్లో అమెరికా సిబ్బంది ఎవరికీ ఎటువంటి హాని జరగలేదని, అందరూ సురక్షితంగా ఉన్నారని సదరన్ కమాండ్ వివరించింది.
US military Pacific attack | డ్రగ్స్ మాఫియాను అణచివేయడమే లక్ష్యం
అంతర్జాతీయ సముద్ర మార్గాల్లో డ్రగ్స్ మాఫియాను అణచివేయడమే లక్ష్యంగా అమెరికా ఇటీవలి కాలంలో నిఘాను పటిష్టం చేసింది. గత కొద్ది నెలలుగా ఈ ప్రాంతంలో జరిగిన వరుస సైనిక చర్యల పరంపరలో ఈ తాజా దాడి ఒకటని అధికారులు వెల్లడించారు.
Kerala fake study certificates | “డిగ్రీల దుకాణం”: చదివినవాడు నిరుద్యోగి……
