అక్షరటుడే వెబ్డెస్క్: CM Vijay Suit | తమిళనాడు ముఖ్యమంత్రి సి. జోసెఫ్ విజయ్ తన వస్త్రధారణపై వస్తున్న కామెంట్స్ , సోషల్ మీడియా చర్చలపై సోమవారం నాడు ఆసక్తికరంగా స్పందించారు. తాను ధరిస్తున్న నలుపు-తెలుపు (బ్లాక్ అండ్ వైట్) సూట్ కేవలం ఒక ఫ్యాషన్ మాత్రమే కాదని, అది తన పారదర్శకతకు, నిరాడంబరతకు ప్రతీక అని ఆయన స్పష్టం చేశారు. తిరుచిరాపల్లిలో జరిగిన ఒక బహిరంగ ర్యాలీలో పాల్గొన్న ఆయన, తన కోటు-సూట్పై విమర్శలు గుప్పిస్తున్న వారికి గట్టి కౌంటర్ ఇచ్చారు.
CM Vijay Suit | కోటు, సూట్ కేవలం పెద్దలకేనా?
సమావేశంలో సీఎం విజయ్ మాట్లాడుతూ.. “ఈ మధ్య నేను వేసుకుంటున్న కొత్త సూట్ గురించి చాలా మంది రకరకాలుగా మాట్లాడుకుంటున్నారు. మనం కోటు, సూట్ ధరించకూడదా? అలాంటి వస్త్రధారణ కేవలం ఉన్నత అధికార స్థానాల్లో ఉన్నవారికి మాత్రమే సొంతమా? అలాంటి నియమాలేమీ లేవు” అని అన్నారు. తాను కావాలనే నలుపు, తెలుపు రంగులను ఎంచుకున్నానని చెప్తూ.. “నా జీవితంలో ఎక్కువ రంగులు లేవు. మనందరి హృదయాల్లాగే నా మనసు కూడా కేవలం నలుపు, తెలుపు మాత్రమే. నేను ప్రతి విషయంలోనూ చాలా పారదర్శకంగా, నిక్కచ్చిగా ఉంటానని చూపించడానికే ఈ రంగుల దుస్తులను వేసుకుంటున్నాను” అని వివరించారు. అలాగే నలుపు రంగు అనేది ఎవరికి ప్రాతినిధ్యం వహిస్తుందో, దానికి ఉన్న సంకేతార్థం ఏంటో ప్రత్యేకంగా తాను వివరించాల్సిన అవసరం లేదని, అది అందరికీ తెలిసిందేనని ఆయన పేర్కొన్నారు.
CM Vijay Suit | ఎక్కువ మాట్లాడను..
రాజకీయాల్లో అనవసరమైన విమర్శలు, సుదీర్ఘమైన బహిరంగ చర్చల్లో పాల్గొనడం కంటే.. ప్రజల కోసం పని చేయడానికే తాను ఎక్కువ ప్రాధాన్యత ఇస్తానని విజయ్ స్పష్టం చేశారు. “నేను మైక్ పట్టుకుని గంటల తరబడి మాట్లాడే వ్యక్తిని కాదు. అందరికీ తెలిసినట్లుగా నేను ఏ మీటింగ్లోనైనా 20 నిమిషాల కంటే తక్కువ సమయమే ప్రసంగిస్తాను” అని గుర్తుచేశారు.
CM Vijay Suit |ఓటర్లకు కృతజ్ఞతలు తెలిపేందుకే..
తనపై వచ్చే విమర్శలకు సమాధానం ఇవ్వడం కంటే పరిపాలనపైనే దృష్టి పెట్టాలని ప్రజలు కూడా తనకు సలహా ఇస్తున్నారని చెప్తూ.. “మీరు మా కోసం పని చేయడానికి వచ్చారు, ఆ పని చూసుకోండి.. మీ గురించి మాట్లాడే వారి సంగతి మేము చూసుకుంటాం అని జనాలు నాతో అంటున్నారు” అని విజయ్ వ్యాఖ్యానించారు. తిరుచిరాపల్లి తూర్పు అసెంబ్లీ నియోజకవర్గంలో గతంలో గెలిచి, ఆ తర్వాత రాజీనామా చేసిన నేపథ్యంలో.. అక్కడి ఓటర్లకు కృతజ్ఞతలు తెలిపేందుకే సీఎం విజయ్ ఈ పర్యటనకు వచ్చారు.
సీఎం అయితే కోట్ వేసుకోకూడదా ?
ప్రతిపక్షాలు నా సూట్ను కూడా విమర్శిస్తున్నారు
మన మనసుల్లాగే నేను కూడా బ్లాక్ అండ్ వైట్ రంగులనే ధరిస్తున్నాను
విజయ్ ఎప్పుడూ బ్లాక్ అండ్ వైట్ (నిజాయితీగా) ఉంటాడనే విషయాన్ని ఇది సూచిస్తుంది – తమిళనాడు సీఎం విజయ్ pic.twitter.com/jMVLBJJh3v
— News Line Telugu (@NewsLineTelugu) June 1, 2026
ఇది కూడా చదవండి: Indiramma Housewarming | ఒకే రోజు 700 ఇందిరమ్మ ఇళ్ల గృహ ప్రవేశాలు
