అక్షరటుడే, వెబ్డెస్క్: ACB raids Kakinada | ఆంధ్రప్రదేశ్లో అవినీతి తిమింగలాలపై అవినీతి నిరోధక శాఖ (ACB) మరోసారి ఉక్కుపాదం మోపింది. కాకినాడ జిల్లా కలెక్టరేట్లో రెవెన్యూ అధికారి (ఆర్వో)గా విధులు నిర్వహిస్తున్న శివరాం కుమార్ నివాసాలు, కార్యాలయాలపై ఏసీబీ అధికారులు శుక్రవారం ఏకకాలంలో దాడులు నిర్వహించారు. ఈ సోదాల్లో ఆయన సంపాదించిన కోట్ల రూపాయల అక్రమాస్తులు వెలుగుచూశాయి.
ACB raids Kakinada | ఏకకాలంలో సోదాలు
ఏసీబీ అడిషనల్ ఎస్పీ కిషోర్ కుమార్ పర్యవేక్షణలో ప్రత్యేక బృందాలు ఈ దాడులు చేపట్టాయి. కాకినాడతో పాటు తెలంగాణలోని మొత్తం నాలుగు ప్రాంతాల్లో ఒకేసారి సోదాలు నిర్వహించారు. శివరాం కుమార్ ఆదాయానికి మించిన ఆస్తులను కూడబెట్టారనే నమ్మదగిన సమాచారంతోనే ఈ దాడులు జరిగినట్లు అధికారులు తెలిపారు.
ACB raids Kakinada | లగ్జరీ ఫ్లాట్లు, విలాసవంతమైన భవనాలు
సోదాల్లో భాగంగా శివరాం కుమార్కు సంబంధించిన భారీ స్థిరాస్తులను అధికారులు గుర్తించారు.
- కాకినాడలోని ప్రముఖ ప్రాంతమైన రామారావుపేటలో ఒక ఓపెన్ ప్లాట్, అత్యంత ఖరీదైన 3BHK, 4BHK లగ్జరీ ఫ్లాట్లను కనుగొన్నారు.
- వీటితో పాటు తెలంగాణలోని హైదరాబాద్ (కొండాపూర్)లో ఒక విలాసవంతమైన అపార్ట్మెంట్ ఉన్నట్లు ఏసీబీ అధికారులు ప్రాథమికంగా గుర్తించారు.
- ఖరీదైన కార్లు, కేజీకి దగ్గరగా బంగారం
- స్థిరాస్తులతో పాటు భారీగా చరాస్తులను కూడా అధికారులు స్వాధీనం చేసుకున్నారు. ఆయన నివాసంలో లభించిన వాటిలో:
- టొయోటా ఫార్చ్యూనర్, మహీంద్రా థార్ రాక్స్, అధునాతన ఎలక్ట్రిక్ BE6 కార్లు.
- సుమారు 700 గ్రాముల బంగారు ఆభరణాలు, పెద్ద ఎత్తున నగదు.
- నివాసంలో ఉన్న పలు ప్రీమియం కంపెనీల ఎలక్ట్రానిక్ గ్యాడ్జెట్లను సీజ్ చేశారు.
