అక్షరటుడే, వెబ్డెస్క్ : Tata Motors June Offers | దేశీయ ఆటోమోబైల్ మార్కెట్పై పట్టు పెంచుకునేందుకు కంపెనీలు పోటాపోటీగా ఆఫర్లను ప్రకటిస్తున్నాయి. జూన్లో పలు మోడళ్లపై భారీ ప్రయోజనాలను అందించనున్నట్లు కంపెనీ తెలిపింది.
దీని ప్రకారం పలు ప్యాసింజర్ కార్లపై రూ. 55 వేల వరకు ప్రయోజనాలు అందనున్నాయి. ఆఫర్లలో క్యాష్ డిస్కౌంట్లు, ఎక్స్చేంజ్ బోనస్లు లేదా స్క్రాపేజ్ బెనిఫిట్స్, కార్పొరేట్ ఇన్సింటివ్స్ వంటివి ఉంటాయి. పంచ్ అప్డేటెడ్ టియాగో ఫేస్లిఫ్ట్ మినహా చాలావరకు 2026 మోడల్ ఇయర్ కార్లకు సైతం ఈ ఆఫర్లు వర్తించనున్నాయి. ఆఫర్ల వివరాలు తెలుసుకుందామా..
- టాటా నెక్సాన్పై రూ. 55వేల వరకు బెనిఫిట్స్ అందించనున్నారు. టాటా కర్వ్ మోడల్ (Tata Curvv Model)పైనా రూ. 55 వేల వరకు ప్రయోజనాలు అందుతాయి.
- డీజిల్ పవర్డ్ హారియర్ సఫారీ ఎస్యూవీలపై రూ. 45 వేల వరకు బెనిఫిట్స్ పొందవచ్చు.
- టాటా ఆల్ట్రోజ్పై రూ. 40 వేల వరకు, టియాగో (ప్రీఫేస్లిఫ్ట్) మోడళ్లపై రూ. 35 వేల వరకు, టిగోర్ వేరియంట్పై రూ. 30 వేల వరకు ప్రయోజనాలు అందనున్నాయి.
Tata Motors June Offers | ఈనెలాఖరు వరకే..
టాటా ప్రకటించిన ఆఫర్లు ఈనెలాఖరు వరకు లేదా స్టాక్ అందుబాటులో ఉన్నంతవరకు మాత్రమే అందుబాటులో ఉంటాయి. ఈ ప్రయోజనాలు ప్రాంతం, వేరియంట్, స్టాక్ లభ్యత తదితర అంశాలపై ఆధారపడి ఉంటాయి. ఆసక్తిగలవారు ఆఫర్ల పూర్తి వివరాల కోసం సమీపంలోని డీలర్ను సంప్రదించండి.
ఇది కూడా చదవండి..: Infinix Budget Smartphone | ఇన్ఫినిక్స్ నుంచి మరో స్మార్ట్ ఫోన్.. 12 నుంచి సేల్ ప్రారంభం
