అక్షరటుడే, వెబ్డెస్క్: June 13 Gold Prices | దేశవ్యాప్తంగా బంగారం ధరలు మరోసారి భారీగా పెరిగాయి. గత వారం తీవ్ర ఒడుదుడుకులు ఎదుర్కొన్న గోల్డ్, జూన్ 12న పుంజుకుని పెట్టుబడిదారుల దృష్టిని ఆకర్షించింది.
ప్రధాన నగరాలైన హైదరాబాద్, ముంబై, ఢిల్లీ, చెన్నై, బెంగళూరు, కోల్కతా, పుణే, అహ్మదాబాద్లలో 24 క్యారెట్ల బంగారం ధర 10 గ్రాములకు రూ.2,940 మేర పెరిగింది.
June 13 Gold Prices | కొనుగోళ్ల ఆసక్తి
వారం ప్రారంభంలో బంగారం, వెండి ధరలు హెచ్చుతగ్గులను చవిచూశాయి. జూన్ 8న గ్రాము బంగారం ధర రూ.15,169గా ఉండగా, జూన్ 9న స్వల్ప పెరుగుదలతో రూ.15,316కు చేరుకుంది.
అనంతరం జూన్ 10న రూ.14,777కు, జూన్ 11వ తేదీన రూ.14,564కు పడిపోయింది. అయితే ధరలు తగ్గిన నేపథ్యంలో కొనుగోళ్ల ఆసక్తి పెరగడంతో జూన్ 12న బంగారం గ్రాముకు రూ.294 పెరిగి రూ.14,858 వద్ద స్థిరపడింది.
దేశంలోని ప్రముఖ ఆభరణాల సంస్థలు కూడా తాజా ధరలను ప్రకటించాయి. టాటా గ్రూప్కు చెందిన తనిష్క్లో 24 క్యారెట్ల బంగారం గ్రాము ధర రూ.14,907గా ఉండగా, 22 క్యారెట్ల బంగారం రూ.13,665, 18 క్యారెట్ల బంగారం రూ.11,180గా నమోదైంది. తయారీ ఛార్జీలు దీనికి అదనం.
మలబార్ గోల్డ్ అండ్ డైమండ్స్లో 24 క్యారెట్ల బంగారం ధర గ్రాముకు రూ.14,858, 22 క్యారెట్ల బంగారం రూ.13,620గా ఉంది. అలాగే కళ్యాణ్ జ్యువెలర్స్లో 22 క్యారెట్ల బంగారం ధర గ్రాముకు రూ.13,620గా నమోదైంది.
జోయాలుక్కాస్లో 24 క్యారెట్ల బంగారం ధర రూ.14,858, 22 క్యారెట్ల బంగారం రూ.13,620, 18 క్యారెట్ల బంగారం రూ.11,144గా ఉంది. ఈ ధరలు దేశంలోని ప్రధాన నగరాల్లో అమల్లో ఉన్నాయి.
ఇండియా బులియన్ అండ్ జ్యువెలర్స్ అసోసియేషన్ (IBJA) ప్రకారం, స్వచ్ఛమైన 24 క్యారెట్ల బంగారం ధర 10 గ్రాములకు రూ.1,47,800గా ఉండగా, 22 క్యారెట్ల బంగారం రూ.1,35,385, 18 క్యారెట్ల బంగారం రూ.1,10,850గా నమోదైంది.
June 13 Gold Prices | డాలర్ బలహీనత
బంగారం ధరల భవిష్యత్పై నిపుణులు సానుకూల అంచనాలు వ్యక్తం చేస్తున్నారు. అంతర్జాతీయ మార్కెట్లో అనుకూల పరిస్థితులు, డాలర్ బలహీనత, కేంద్ర బ్యాంకుల విధాన మార్పులు బంగారం ధరలకు మద్దతు ఇస్తున్నాయని విశ్లేషకులు చెబుతున్నారు.
ప్రస్తుత పరిస్థితులు కొనసాగితే సమీప భవిష్యత్లో 10 గ్రాముల బంగారం ధర రూ.1.55 లక్షల స్థాయిని చేరుకునే అవకాశం ఉందని మార్కెట్ వర్గాలు అంచనా వేస్తున్నాయి.
