అక్షరటుడే, వెబ్డెస్క్ : Madhapur Murder Case | హైదరాబాద్ (Hyderabad) నగరంలోని మాదాపూర్లో ఓ యువకుడు దారుణ హత్యకు గురయ్యాడు. మంగళవారం రాత్రి ఈ ఘటన చోటు చేసుకుంది. మృతుడిని వరంగల్ జిల్లాకు చెందిన భాస్కర్గా గుర్తించారు.
వరంగల్ జిల్లా మాదన్నపేట్ మండలం ఉప్పరపల్లి గ్రామానికి చెందిన భాస్కర్గా మాదాపూర్లోని ఓ హోటల్లో కుక్గా పని చేస్తున్నాడు. అతడు ఉప్పరపల్లికి చెందిన ఓ యువతిని ప్రేమించాడు. కులాలు వేరు కావడంతో అమ్మాయి తల్లిదండ్రులు వేరే యువకుడితో ఆమెకు వివాహం జరిపించారు. పెళ్లి తర్వాత ఆ అమ్మాయికి భర్తతో గొడవలు అయ్యాయి. దీంతో ఆమెకు భర్త విడాకులు ఇచ్చాడు. విడాకులకు తన కుమార్తెను ప్రేమించిన భాస్కర్ కారణమని ఆమె తండ్రి రాజు కక్ష పెంచుకున్నాడు.
Madhapur Murder Case | కత్తులతో పొడిచి..
హైదరాబాద్లోని అయ్యప్ప సొసైటీలోని ఓ హాస్టల్లో ఉంటున్న భాస్కర్ వద్దకు మంగళవారం రాత్రి ఐదుగురు వచ్చారు. అతడికి హాస్టల్ నుంచి బయటకు తీసుకు వచ్చి విచక్షణరహితంగా దాడి చేశారు. కత్తులతో పొడిచి చంపారు. పోలీసులు ఘటనా స్థలానికి చేరుకొని పరిశీలించారు. కేసు నమోదు చేసుకొని దర్యాప్తు చేస్తున్నారు. నిందితులు పోలీస్ స్టేషన్లో లొంగిపోయినట్లు సమాచారం.
ఇది కూడా చదవండి..: Gandhi Medical College Vice Principal | గాంధీ మెడికల్ కాలేజీ వైస్ ప్రిన్సిపల్గా డాక్టర్ బి.వి. నాగమోహన్ రావు నియామకం
