అక్షరటుడే, కమ్మర్పల్లి: State Level Softball Tournament | మండలంలోని గ్రీన్ఫీల్డ్ మినీ స్టేడియంలో అట్టహాసంగా రాష్ట్రస్థాయి సబ్ జూనియర్ సాఫ్ట్బాల్ పోటీలు ప్రారంభమయ్యాయి. శని, ఆదివారాల్లో జరుగనున్న ఈ టోర్నీని సర్పంచ్ కొత్తపల్లి హారిక అశోక్ ప్రారంభించారు.
State Level Softball Tournament | క్రీడలతో మానసికోల్లాసం
సర్పంచ్ హారిక అశోక్ మాట్లాడుతూ.. క్రీడల వల్ల శారీరక, మానసిక దృఢత్వంతో పాటు సామాజికంగా కూడా విద్యార్థులు అభివృద్ధి చెందుతారని తెలిపారు. విద్యార్థులు ప్రతిరోజూ క్రీడల్లో పాల్గొనాలని సూచించారు. కమ్మర్పల్లిలో రాష్ట్రస్థాయి సాఫ్ట్బాల్ పోటీలు నిర్వహించడం పట్ల ఆమె సంతోషం వ్యక్తం చేశారు. ఈ కార్యక్రమానికి విశిష్ట అతిథిగా హాజరైన సాఫ్ట్బాల్ ఫెడరేషన్ ఆఫ్ ఇండియా సంయుక్త కార్యదర్శి కే. శోభన్ బాబు మాట్లాడుతూ.. ఈ టోర్నీలో ప్రతిభ కనబరిచిన క్రీడాకారులను ఈనెల 27 నుండి 30 వరకు మహారాష్ట్రలోని శంభాజీనగర్లో జరిగే జాతీయ స్థాయి పోటీలకు పంపనున్నట్లు తెలిపారు.
State Level Softball Tournament | జిల్లా క్రీడాకారుల ప్రతిభ భేష్
అంతర్జాతీయ పోటీల్లో నిజామాబాద్ జిల్లా (Nizamabad District) క్రీడాకారులు అత్యధికంగా పాల్గొంటున్నారని శోభన్బాబు గుర్తుచేశారు. టోర్నీలో 22 జిల్లాల నుంచి క్రీడాకారులు పాల్గొన్నారు. ఈ కార్యక్రమంలో రాష్ట్ర సాఫ్ట్బాల్ అసోసియేషన్ ఉపాధ్యక్షులు అభిషేక్ గౌడ్, జిల్లా సాఫ్ట్బాల్ అసోసియేషన్ ప్రధాన కార్యదర్శి మర్కంటి గంగా మోహన్, గ్రామ ఉపసర్పంచ్ కొత్తపల్లి అశోక్, స్పోర్ట్స్ అథారిటీ ఆఫ్ తెలంగాణ పరిశీలకులు, జిల్లా డీవైఎఫ్వో పవన్ కుమార్, రాష్ట్ర ఒలింపిక్ అసోసియేషన్ పరిశీలకులు యాసిన్, జిల్లా వ్యాయామ ఉపాధ్యాయ సంఘం ప్రధాన కార్యదర్శి బి. మల్లేష్ గౌడ్, ఫిజికల్ డైరెక్టర్ వేముల నాగభూషణం, ఎం. సుజాత, చిప్ప నవీన్, రాహుల్, సాగర్, విక్రమ్ పాల్గొన్నారు.
ఇది కూడా చదవండి..: Urea Bags Missing | సొసైటీలో యూరియా బస్తాలు మాయం..అధికారులను నిలదీసిన రైతులు
