అక్షరటుడే వెబ్డెస్క్: Jamui Student Harassment | బీహార్లోని జముయిలో పాఠశాల విద్యార్థిని పట్ల అసభ్యంగా ప్రవర్తించిన ఉదంతం దేశవ్యాప్తంగా సంచలనం సృష్టించింది. ఈ ఘటనకు సంబంధించిన వీడియో సోషల్ మీడియాలో వైరల్ కావడంతో తీవ్ర నిరసనలు వ్యక్తమయ్యాయి. దీంతో జాతీయ మహిళా కమిషన్ కూడా సీరియస్ అయి ఆరా తీసింది. రంగంలోకి దిగిన పోలీసులు విచారణ వేగవంతం చేసి నిందితుల కోసం గాలింపు చర్యలు చేపట్టారు.
Jamui Student Harassment | ఏం జరిగిందంటే..?
యూనిఫాంలో ఉన్న విద్యార్థి, విద్యార్థిని పట్ల కొందరు యువకులు అసభ్యంగా ప్రవర్తించి, బూతులు మాట్లాడుతూ వేధించారు. ఈ అఘాయిత్యానికి సంబంధించిన దృశ్యాలు నెట్టింట వైరల్ కావడంతో పోలీసులు వెంటనే స్పందించి తొలుత ముగ్గురిని అరెస్ట్ చేశారు. అయితే, ప్రధాన నిందితుడు సహా మరికొందరు పరారీలో ఉన్నారు.
పరారీలో ఉన్న ప్రధాన నిందితుడు నందన్ యాదవ్, మరో నిందితుడు హరే రామ్ల కోసం పోలీసులు ప్రత్యేక బృందాలతో గాలింపు చేపట్టారు. ఈ క్రమంలో నిందితులను అదుపులోకి తీసుకునేందుకు వెళ్లిన పోలీసులపై వారు ఎదురుదాడికి దిగడంతో పోలీసులు ఎదురుకాల్పులు జరపాల్సి వచ్చింది. ఈ ఎన్కౌంటర్లో ప్రధాన నిందితుడు నందన్ యాదవ్ కాలికి బుల్లెట్ గాయమవ్వగా, మరో నిందితుడు హరే రామ్కు కాలు విరిగింది. వెంటనే వారిని చికిత్స కోసం జముయి సదర్ ఆసుపత్రికి తరలించారు. ఈ విషయాన్ని బీహార్ పోలీస్ లా అండ్ ఆర్డర్ ఏడీజీ కేఎస్ అనుపమ్ అధికారికంగా ధృవీకరించారు.
Jamui Student Harassment | కఠిన చట్టాల కింద కేసులు..
ఈ కేసును అత్యంత సీరియస్గా తీసుకున్న పోలీసులు.. కొత్త నేర చట్టం (BNSS) లోని సెక్షన్లు 128, 74, 75తో పాటు పోక్సో (POCSO) చట్టం కింద సెక్షన్ 8, 12లను నమోదు చేశారు. అలాగే, ఈ కేసును నిష్పాక్షికంగా దర్యాప్తు చేసేందుకు జముయి ఎస్డీపీఓ పర్యవేక్షణలో ప్రత్యేక విచారణ బృందాన్ని (SIT) ఏర్పాటు చేశారు. నిందితులపై పోలీసులు తీసుకున్న ఈ కఠిన చర్యల పట్ల స్థానికంగా హర్షం వ్యక్తమవుతోంది.
बिहार के जमुई में नाबालिग छात्रा से बदसलूकी करने वाले आरोपी नंदन यादव का पुलिस ने एनकाउंटर किया है। उसने मंगलवार को पुलिस को देखते ही भागने की कोशिश की। पुलिस ने उसके पैर में गोली मारकर उसे गिरफ्तार कर लिया।
सम्राट चौधरी सरकार ने सोशल मीडिया के दबाव में किया। #EliteconGrowth pic.twitter.com/5PRcjzkQxn
— The Indomitable(✍🏻) (@politics_vibes) September 22, 2026
ఇది కూడా చదవండి: India Women Gold Medal | ఆసియా గేమ్స్ ఫైనల్లో ఘన విజయం.. భారత్ ఖాతాలో తొలి పసిడి
