అక్షరటుడే వెబ్‌డెస్క్: Meerut Blue Drum Murder | దేశవ్యాప్తంగా సంచలనం సృష్టించిన మీరట్ ‘బ్లూ డ్రమ్ మర్డర్’ కేసులో విచారణ కీలక దశకు చేరింది. భర్తను హతమార్చి డ్రమ్‌లో పాతిపెట్టిన కేసులో మరణశిక్ష పడిన ముస్కాన్ రస్తోగి, ఆమె ప్రియుడు సాహిల్ శుక్లాలు ఇచ్చిన అప్పీల్‌ను అలహాబాద్ హైకోర్టు ( Allahabad High Court )స్వీకరించింది.
Meerut Blue Drum Murder | హైకోర్టులో విచారణ..
మీరట్ కోర్టు తనకు విధించిన మరణశిక్షను సవాల్ చేస్తూ దోషులు అలహాబాద్ హైకోర్టులో పిటిషన్ దాఖలు చేశారు. మంగళవారం జస్టిస్ సలీల్ కుమార్ రాయ్, జస్టిస్ పదమ్ నారాయణ్ మిశ్రాలతో కూడిన ద్విసభ్య ధర్మాసనం ఈ అప్పీల్‌పై విచారణ చేపట్టింది. దోషుల తరపున దాఖలైన పిటిషన్‌ను స్వీకరించిన హైకోర్టు, తదుపరి విచారణను నవంబర్ 30వ తేదీకి వాయిదా వేసింది.
Meerut Blue Drum Murder | నేపథ్యం ఇదే..
భర్త సౌరవ్ రాజ్‌పుత్‌ను హత్య చేసిన నిందితులు, ఆయన శరీరాన్ని ముక్కలుగా నరికి ఒక నీలి రంగు డ్రమ్‌లో ఉంచారు. ఆపై ఎవరికీ అనుమానం రాకుండా దానిపై సిమెంట్‌తో కప్పివేశారు. ఈ కిరాతక ఘటన దేశవ్యాప్తంగా తీవ్ర కలకలం రేపింది. ఈ కేసును విచారించిన దిగువ కోర్టు నిందితులకు మరణశిక్ష ఖరారు చేయగా, తాజాగా వారు హైకోర్టును ఆశ్రయించారు.
ఇది కూడా చదవండి: Nizamabad BJP Protest | ఢిల్లీకి మూటలు మోసే ముఠామేస్త్రీ రేవంత్ రెడ్డి
