అక్షరటుడే, వెబ్డెస్క్: Vijay Floor Test | తమిళగ వెట్రి కజగం (టీవీకే) అధినేత విజయ్, గవర్నర్ రాజేంద్ర విశ్వనాథ్ ఆర్లేకర్ను కలిసేందుకు లోక్భవన్కు చేరుకున్నారు. రాష్ట్రంలో ప్రభుత్వాన్ని ఏర్పాటు చేసేందుకు టీవీకే అధినేత తన వాదనను వినిపించిన ఒక రోజు తర్వాత, విజయ్, గవర్నర్ మధ్య ఇది రెండో సమావేశం.
విజయ్ బల నిరూపణకు గవర్నర్ ఆమోదం తెలిపారు. సభలో బలం నిరూపించుకోవడానికి ముందే మెజారిటీ ఉన్నట్లు లేఖ అందించాలని సూచించారు. అసెంబ్లీ ఎన్నికల్లో (Assembly elections) టీవీకే 108 స్థానాల్లో విజయం సాధించింది. అందులో విజయ్ రెండు చోట్ల గెలుపొందడంతో ఒక్క స్థానం నుంచి వైదొలిగారు. దీంతో టీవీకే బలం 107కు తగ్గింది. విజయ్కు ఇప్పటికే కాంగ్రెస్ 5గురు ఎమ్మెల్యేలు, వీసీకే మద్దతు తెలిపారు. దీంతో పార్టీ బలం 115కు చేరింది. మరో ముగ్గురు మద్దతు తెలిపితే విజయ్ సీఎంగా ప్రమాణం చేయనున్నారు.
Vijay Floor Test | జాబితా సమర్పించాలని..
విజయ్ గవర్నర్ రాజేంద్ర ఆర్లేకర్ను కలిసి, మద్దతు ప్రకటించిన టీవీకే, కాంగ్రెస్ శాసనసభ్యుల జాబితాను సమర్పించారని కాంగ్రెస్ నాయకులు తెలిపారు. అయితే, విజయ్ను ప్రభుత్వాన్ని ఏర్పాటు చేయడానికి ఆహ్వానించడం, ప్రమాణ స్వీకార కార్యక్రమం నిర్వహించడంపై ఇంకా అధికారిక నిర్ణయం తీసుకోలేదని లోక్భవన్ అధికారులు తెలిపారు. కాగా విజయ్ పార్టీతో పొత్తు పెట్టుకోబోతోందన్న వార్తలను ఏఐఏడీఎంకే ఖండించింది. దీంతో ప్రభుత్వ ఏర్పాటుపై ఉత్కంఠ నెలకొంది.
ఇది కూడా చదవండి..: Tamil Nadu Re Elections | తమిళనాడులో మళ్లీ ఎన్నికలు పెట్టాలి.. జోహో మాజీ సీఈవో
