అక్షరటుడే, వెబ్డెస్క్ : Bengal Elections | టీఎంసీ (TMC) ప్రభుత్వంపై మరోసారి ప్రధాని నరేంద్ర మోదీ (PM Modi) ఫైర్ అయ్యారు. 15 ఏళ్ల క్రితం మాతృభూమి గురించి మాట్లాడి టీఎంసీ అధికారంలోకి వచ్చిందన్నారు. ఇప్పుడు ఆ మాటలను చెప్పలేక పోతున్నారని విమర్శించారు. టీఎంసీ ఆ మాటలు ఉచ్ఛరిస్తే వారి పాపాలు బయట పడతాయన్నారు.
రెండో దశ ఎన్నికలకు ముందు బెంగాల్లో ప్రధాని ప్రచారంలో పాల్గొన్నారు. రాష్ట్రంలోని అధికార పార్టీ తన సొంత నినాదమైన ‘మా మాటీ మనుష్’ (అమ్మ, తల్లి, మనిషి)కి ద్రోహం చేసిందని ఆయన తీవ్రంగా విమర్శించారు. “‘అమ్మ’ ఏడుస్తోంది, ‘మట్టి’ చొరబాటుదారులతో ఉంది, ‘మనుష్’ భయపడిపోతోంది,” అని ఆయన అన్నారు. బెంగాల్లో మహిళలకు భద్రత కల్పించడంలో తృణమూల్ పార్టీ విఫలమైందని విమర్శించారు. కోల్కతాలోని ఆర్జీ కార్ ఆసుపత్రిలో యువ వైద్యురాలిపై జరిగిన అత్యాచారం, హత్య, రాష్ట్ర రాజధానికి కేవలం 20 కిలోమీటర్ల దూరంలో ఉన్న కామ్దునిలో 20 ఏళ్ల యువతిపై జరిగిన సామూహిక అత్యాచారం, హత్యతో సహా పలు లైంగిక దాడుల కేసులను ఆయన ప్రస్తావించారు.
Bengal Elections | గూండాలతో పాలన
పశ్చిమ బెంగాల్లోని TMC నేతృత్వంలోని ప్రభుత్వం రాష్ట్ర సచివాలయం నుంచి కాకుండా, ఆ పార్టీ ఆశ్రయం కల్పిస్తున్న గూండాలు, నేరస్తుల ద్వారా నడుస్తోందని ప్రధానమంత్రి నరేంద్ర మోదీ ఆరోపించారు. ప్రభుత్వ వ్యవహారాలను నడపడానికి TMC సామాజిక వ్యతిరేక శక్తులపై ఆధారపడటంతో కోర్టులు జోక్యం చేసుకుంటున్నాయన్నారు. రాష్ట్రంలో బీజేపీ ప్రభుత్వం వస్తుందని ఆయన ధీమా వ్యక్తం చేశారు. మొదటి మంత్రివర్గ సమావేశంలోనే ఆయుష్మాన్ భారత్ – ప్రధానమంత్రి జన్ ఆరోగ్య యోజన అమలుకు ఆమోదం తెలుపుతామని హామీ ఇచ్చారు.
Bengal Elections | 29న పోలింగ్
బెంగాల్లో ఈ నెల 23న తొలిదశ పోలింగ్ జరిగింది. రికార్డు స్థాయిలో 91శాతం ఓటర్లు ఓటు హక్కు వినియోగించుకున్నారు. ఇది తమకు మద్దతు లభించిందని బీజేపీ, తృణమూల్ రెండూ పేర్కొన్నాయి. రెండో దశ పోలింగ్ ఏప్రిల్ 29న జరగనుంది. మే 4న ఓట్ల లెక్కింపు చేపట్టనున్నారు.
आज बनगांव से मैं डंके की चोट पर घुसपैठियों को भी यह चेतावनी देना चाहता हूं… pic.twitter.com/4y4TYmbpe5
— Narendra Modi (@narendramodi) April 26, 2026
దీనిని కూడా చదవండి : Amit Shah Mamata Attack | బెంగాల్లో మహిళలకు భద్రత కరవు.. అమిత్ షా సంచలన వ్యాఖ్యలు!
