అక్షరటుడే వెబ్డెస్క్:Trump Secret Letter|అమెరికా అధ్యక్షుడు డొనాల్డ్ ట్రంప్ ప్రస్తుతం చైనాలో పర్యటిస్తున్నారు. ఈ తరుణంలో ఆయనకు సంబంధించి ఒక ఆశ్చర్యకరమైన విషయం బయటకు వచ్చింది. ట్రంప్ విదేశీ పర్యటనలకు వెళ్లే ప్రతిసారీ, ఉపాధ్యక్షుడు జేడీ వాన్స్ కోసం ఒక రహస్య లేఖను రాసి ఉంచుతారట. ఈ విషయాన్ని వైట్హౌస్ అధికారి సెబాస్టియన్ గోర్క్ తాజాగా వెల్లడించారు.
Trump Secret Letter|ఆ లేఖలో ఏముంటుంది?
వైట్హౌస్లోని తన అధికారిక ‘రిజల్యూట్ డెస్క్’లో ట్రంప్ ఈ లేఖను భద్రపరుస్తారు. ఒకవేళ విదేశీ పర్యటనలో ఉన్నప్పుడు తనకు ఏదైనా అనుకోని ప్రమాదం జరిగితే, దేశ బాధ్యతలను ఎలా స్వీకరించాలి, ప్రభుత్వాన్ని ఎలా ముందుకు నడిపించాలి అనే అంశాలపై ఉపాధ్యక్షుడికి ట్రంప్ ఇందులో దిశానిర్దేశం చేస్తారని గోర్క్ వివరించారు. అయితే ప్రోటోకాల్ నిబంధనల దృష్ట్యా ఆ లేఖలోని పూర్తి వివరాలను వెల్లడించలేమన్నారు. గతంలో ట్రంప్పై జరిగిన వరుస హత్యాయత్నాల నేపథ్యంలో ఈ జాగ్రత్తలు తీసుకుంటున్నట్లు తెలుస్తోంది.
Trump Secret Lette|నవ్వించిన జేడీ వాన్స్ వ్యాఖ్యలు..
మరోవైపు, అధ్యక్షుడితో పాటు కీలక అధికారులంతా చైనా పర్యటనలో ఉండటంతో వైట్హౌస్లో ఉపాధ్యక్షుడు జేడీ వాన్స్ ఒంటరి అయిపోయారు. భద్రతా నిబంధనల ప్రకారం అధ్యక్షుడు, ఉపాధ్యక్షుడు కలిసి విదేశీ పర్యటనలకు వెళ్లకూడదు. ఈ క్రమంలో వాన్స్ విలేకరులతో సరదాగా మాట్లాడుతూ.. “నేను ఇప్పుడు వైట్హౌస్కు వెళ్లాలి, అక్కడ ఎవరూ ఉండరు. అంతా నిశ్శబ్దంగా ఉంటుంది. అసలు ఏం జరుగుతుందో అర్థం చేసుకోవడానికే నాకు సమయం పడుతుంది” అని వ్యాఖ్యానించారు. తన పరిస్థితిని 1990 నాటి ప్రసిద్ధ చిత్రం ‘హోమ్ అలోన్’లోని మెకాలే కల్కిన్ పాత్రతో పోల్చడంతో అక్కడున్న వారంతా నవ్వుకున్నారు.
Trump Secret Letter|తైవాన్ విషయంలో జిన్పింగ్ హెచ్చరిక..
ట్రంప్ పర్యటన కొనసాగుతుండగానే, చైనా అధ్యక్షుడు షీ జిన్పింగ్ కీలక వ్యాఖ్యలు చేశారు. తైవాన్ అంశంలో అమెరికా జోక్యం చేసుకుంటే అది రెండు దేశాల మధ్య తీవ్ర ఘర్షణకు దారితీస్తుందని ఆయన హెచ్చరించారు. ఈ పరిణామాల మధ్య ట్రంప్ భద్రతపై ఆందోళనలు వ్యక్తమైనప్పటికీ, ఆయన చాలా సురక్షితంగా ఉన్నారని సెబాస్టియన్ గోర్క్ స్పష్టం చేశారు.
ఇది కూడా చదవండి: Red Fort Bomb Blast|ఎర్రకోట బాంబు పేలుడు కేసు.. 10 మంది ఉగ్రవాదులపై ఎన్ఐఏ భారీ ఛార్జిషీట్
