అక్షరటుడే, వెబ్డెస్క్ : Ceasefire Extension | ఇరాన్తో కాల్పుల విరమణను పొడిగిస్తున్నట్లు అమెరికా అధ్యక్షుడు డొనాల్డ్ ట్రంప్ (Donald Trump) ప్రకటించారు. యుద్ధాన్ని ముగించేందుకు ఒక ప్రతిపాదనను ముందుకు తీసుకురావడానికి టెహ్రాన్కు మరింత సమయం ఇచ్చేందుకు దాడిని వాయిదా వేశామన్నారు.
అమెరికా, ఇరాన్ మధ్య గతంలో సీజ్ఫైర్ ఒప్పందం (Ceasefire Agreement) కుదిరిన విషయం తెలిసిందే. రెండు వారాల ఒప్పందం నేటితో ముగిసింది. ఈ క్రమంలో తమ ప్రతిపాదనలకు అంగీకరించకపోతే ఇరాన్పై పెద్ద ఎత్తున దాడులు చేస్తామని ట్రంప్ మంగళవారం ప్రకటించారు. కాల్పుల విరమణను పొడిగించే ప్రసక్తే లేదన్నారు. అయితే తాజాగా ఆయన మరోసారి వెనక్కి తగ్గారు. పాకిస్థాన్ (Pakistan) అభ్యర్థన మేరకు సీజ్ఫైర్ పొడగించాలని నిర్ణయం తీసుకున్నట్లు తెలిపారు.
Ceasefire Extension | సంసిద్ధంగా ఉండాలి
దిగ్బంధనాన్ని కొనసాగించాలని, అన్ని ఇతర విషయాలలో సిద్ధంగా, సమర్థవంతంగా ఉండాలని తమ సైన్యాన్ని ఆదేశించినట్లు ట్రంప్ తెలిపారు. వారి ప్రతిపాదన సమర్పించి, చర్చలు ఒక కొలిక్కి వచ్చేంత వరకు కాల్పుల విరమణను పొడిగిస్తానని తెలిపారు. అయితే సీజ్ఫైర్ ఎన్నిరోజులు అని ట్రంప్ ప్రకటనలో పేర్కొనలేదు. ట్రంప్ ప్రకటనపై ఇరాన్ స్పందించలేదు. కాల్పుల విరమణను పొడిగించడానికి అంగీకరించినందుకు ట్రంప్కు పాకిస్థాన్ ప్రధానమంత్రి షెహబాజ్ షరీఫ్ (Pakistan PM Shehbaz Sharif) కృతజ్ఞతలు తెలిపారు, ఈ సంఘర్షణకు చర్చల ద్వారా పరిష్కారం కోసం ఇస్లామాబాద్ ప్రయత్నిస్తుందన్నారు. సీజ్ ఫైర్ ఒప్పందాన్ని పొడిగించడంతో పాటు చర్చలు కొలిక్కి వచ్చే వరకు ఇరాన్పై దాడులు నిలిపి వేస్తున్నట్లు ట్రంప్ ప్రకటించడంతో పశ్చిమాసియాలో ఉద్రిక్తతలకు బ్రేక్ పడింది.
ఇది కూడా చదవండి..: US Iran Tensions | ప్రపంచ రాజకీయాల్లో పెను సంచలనం.. ఇరాన్ క్షిపణి రహస్యాలను బయటపెట్టిన అమెరికా నేవీ!
