అక్షరటుడే వెబ్డెస్క్: Jebel Ali Explosions | దుబాయ్లోని కీలక పారిశ్రామిక ప్రాంతమైన జెబెల్ అలీలో కేవలం 20 నిమిషాల వ్యవధిలోనే ఏడు భారీ పేలుళ్లు సంభవించాయి. దీంతో ఆ ప్రాంతంలో తీవ్ర భయాందోళనలు నెలకొన్నాయి. ఓడరేవు ప్రాంతంపై దట్టమైన నల్లటి పొగ అలుముకోవడంతో యూఏఈ వ్యాప్తంగా కలకలం రేగింది. మంటలను అదుపు చేయడానికి అత్యవసర సహాయక బృందాలు వెంటనే రంగంలోకి దిగాయి.
Jebel Ali Explosions | కంపించిన పరిసర ప్రాంతాలు..
పేలుళ్లు సంభవించడానికి ముందే చుట్టుపక్కల వాణిజ్య, నివాస ప్రాంతాల్లో బలమైన ప్రకంపనలు వచ్చినట్లు ప్రత్యక్ష సాక్షులు తెలిపారు. పేలుళ్ల ధాటికి కొన్ని కిలోమీటర్ల దూరంలోని ఇళ్ల కిటికీలు కూడా కదిలిపోయాయి. సోషల్ మీడియాలో వైరల్ అయిన వీడియోల్లో భారీ ఎత్తున మంటలు, దట్టమైన పొగలు ఎగజిమ్మడం స్పష్టంగా కనిపించింది. పౌర రక్షణ సిబ్బంది, పోలీసులు తక్షణమే స్పందించి పరిస్థితిని అదుపులోకి తెచ్చేందుకు చర్యలు చేపట్టారు.
Jebel Ali Explosions | జెబెల్ అలీ ప్రాముఖ్యత..
మధ్యప్రాచ్యంలోనే అత్యంత పెద్దదైన లోతైన నీటి ఓడరేవుగా జెబెల్ అలీకి పేరుంది. ఇది ప్రపంచ సముద్ర రవాణాకు ప్రధాన లాజిస్టిక్స్ కేంద్రంగా పనిచేస్తోంది. ఈ ప్రాంతంలో ఎలాంటి అంతరాయం ఏర్పడినా అది పశ్చిమ, దక్షిణ ఆసియా దేశాల ఆర్థిక, భద్రతా పరిస్థితులపై తీవ్ర ప్రభావం చూపుతుంది.
BREAKING: Yemen’s Houthis have struck the industrial area of Jebel Ali in Dubai, UAE, per initial reports. Widespread fires and plumes of smoke over the area and multiple explosions in Dubai in the past few minutes. pic.twitter.com/eMH9ASsNeT
— The Hormuz Letter (@HormuzLetter) August 5, 2026
ఇది కూడా చదవండి: POCO M8 Power 5G | భారీ బ్యాటరీతో పోకో ఫోన్ విడుదల
