అక్షరటుడే, వెబ్డెస్క్ : BRICS Summit | బ్రిక్స్ సదస్సును అత్యంత విజయవంతంగా నిర్వహించినందుకు భారత్కు దక్షిణాఫ్రికా (South Africa) అధ్యక్షుడు సిరిల్ రామఫోసా అభినందనలు తెలిపారు. ఆదివారం ఆయన మీడియాతో మాట్లాడారు. ఈ సదస్సులో ఉమ్మడి ప్రకటనను విజయవంతంగా ఆమోదించినట్లు పేర్కొన్నారు.
బ్రిక్స్ సదస్సు ఏర్పాట్లు బాగా ఉన్నాయని రామఫోసా అన్నారు. 30 నగరాల్లో దాదాపు 350 సమావేశాలను నిర్వహించడంలో అద్భుతమైన నాయకత్వాన్ని అందించారని కొనియాడారు. శిఖరాగ్ర సమావేశాలు జరిగినప్పుడు పొరపాట్లు జరుగుతాయని, అయితే భారత్ మాత్రం ఎలాంటి తప్పులు లేకుండా నిర్వహించిందన్నారు. అన్ని దేశాలు సహకరించుకుని ఏకాభిప్రాయానికి రావాల్సి ఉన్నప్పటికీ, వారికి ఒక కేంద్ర బిందువు అవసరం అని ఆయన అన్నారు. ఆ మార్గదర్శక శక్తిగా భారత్ నిలిచిందన్నారు.
BRICS Summit | గాంధీ–మండేలా స్కాలర్షిప్
ప్రధాని మోదీ (PM Modi)తో జరిగిన ద్వైపాక్షిక చర్చల గురించి ఆయన వివరించారు. దక్షిణాఫ్రికా– భారత్ మధ్య ఉన్న ఈ వ్యూహాత్మక భాగస్వామ్యాన్ని కలిసి జరుపుకునేందుకు వచ్చే ఏడాది దక్షిణాఫ్రికాకు రావాల్సిందిగా మోదీని ఆహ్వానించినట్లు చెప్పారు. వీలైతే నెల్సన్ మండేలా జయంతి సందర్భంగా రావాలని కోరినట్లు తెలిపారు. అలాగే గాంధీ-మండేలా స్కాలర్షిప్ గురించి కూడా తాము చర్చించామన్నారు. సాంకేతిక పరంగా భారత్ ముందడుగు వేస్తోందన్నారు.
దీనిని కూడా చదవండి : Rahul Gandhi Comments | బ్రిక్స్ విందు మెనూపై రాహుల్ గాంధీ విమర్శలు.. ఘాటుగా బదులిచ్చిన కేంద్ర మంత్రి
