అక్షరటుడే వెబ్డెస్క్: iPhone 18 Pro | టాటా గ్రూప్నకు ( Tata group )చెందిన ప్రముఖ ఎలక్ట్రానిక్స్ రిటైల్ సంస్థ ‘క్రోమా’ (Croma).. సరికొత్త ‘ఐఫోన్ 18 ప్రో’ (iPhone 18 Pro), ‘ఐఫోన్ 18 ప్రో మ్యాక్స్’ (iPhone 18 Pro Max) ప్రీ-బుకింగ్స్ను అధికారికంగా ప్రారంభించింది. దేశవ్యాప్తంగా ఉన్న 560కి పైగా క్రోమా స్టోర్లతో పాటు croma.com, టాటా న్యూ యాప్, బిగ్ బాస్కెట్ ద్వారా వీటిని బుక్ చేసుకోవచ్చు. కస్టమర్లు క్రోమా స్టోర్లలో రూ. 5,000 చెల్లించి వీటిని ప్రీ-బుక్ చేసుకోవచ్చని, ఆన్లైన్ ప్లాట్ఫారమ్లలో అయితే పూర్తి మొత్తం చెల్లించాల్సి ఉంటుందని సంస్థ తెలిపింది. ఈ కొత్త మోడళ్ల కొనుగోలుపై రూ. 12,000 వరకు ప్రత్యేక ఎక్స్ఛేంజ్ బోనస్ లభిస్తుంది. అలాగే ఆపిల్ వాచ్ సిరీస్ 12, ఆపిల్ వాచ్ అల్ట్రా 4 , ఎయిర్పాడ్స్ ప్రీ-బుకింగ్స్ కూడా ఇప్పటికే ప్రారంభమయ్యాయి.
iPhone 18 Pro | అత్యుత్తమ ఫీచర్లు , హంగులు..
ఈ కొత్త ప్రో లైనప్ పనితీరు , ఫోటోగ్రఫీలో ఆపిల్ అత్యాధునిక పురోగతులను తీసుకువచ్చింది. ఇందులో శక్తివంతమైన A20 ప్రో చిప్, ఆపిల్ స్వంతంగా అభివృద్ధి చేసిన C2 వైర్లెస్ మోడెమ్ , ఫిజికల్ వేరియబుల్ అపెర్చర్తో కూడిన కొత్త 48MP ఫ్యూజన్ మెయిన్ కెమెరా ఉన్నాయి. ఈ అడ్వాన్స్డ్ ఫీచర్లు వినియోగదారులకు సరికొత్త అనుభూతిని అందిస్తాయని కంపెనీ పేర్కొంది.
iPhone 18 Pro | భారీ డిస్కౌంట్లు..
కొత్త మోడళ్ల రాకతో మునుపటి జనరేషన్ ఐఫోన్ 17 ప్రో, ప్రో మ్యాక్స్ మోడళ్లపై క్రోమా ప్రత్యేక ఆఫర్లను ప్రకటించింది. క్రోమా స్టోర్లలో ఎక్స్ఛేంజ్ ఆఫర్లు, బ్యాంక్ క్యాష్బ్యాక్లతో కలిపి వీటి ధరలు భారీగా తగ్గనున్నాయి. స్టోర్లలో ఐఫోన్ 17 ప్రో (256GB) రూ. 69,990కి, ఐఫోన్ 17 ప్రో మ్యాక్స్ (256GB) రూ. 74,990 ప్రారంభ ధరకే లభిస్తాయి. ఎంపిక చేసిన క్రెడిట్ కార్డ్లపై రూ. 4,000 క్యాష్బ్యాక్, పాత ఫోన్ ఎక్స్ఛేంజ్ బోనస్లను ఉపయోగించుకుని కస్టమర్లు ఈ ఆఫర్లను సొంతం చేసుకోవచ్చు. సెప్టెంబర్ 15 నుండి croma.comలో కూడా బ్యాంక్ క్యాష్బ్యాక్ ఆఫర్లు అందుబాటులో ఉంటాయని క్రోమా తెలిపింది.
ఇది కూడా చదవండి: BRICS Summit | బ్రిక్స్ సదస్సుపై దక్షిణాఫ్రికా అధ్యక్షుడి కీలక వ్యాఖ్యలు
