Bandi Bhagirath Case | బండి భగీరథ్​పై లుక్‌ అవుట్ నోటీసులు

Balla Sandeep Kumar

అక్షరటుడే, వెబ్​డెస్క్ : Bandi Bhagirath Case | బండి భగీరథ్​పై పోలీసులు లుక్​ అవుట్​ నోటీసులు (Lookout Notices) జారీ చేశారు. ఓ అమ్మాయిని లైంగికంగా వేధించాడనే ఆరోపణలతో పోక్సో కేసు నమోదు అయిన విషయం తెలిసిందే.

భగీరథ్​పై హైదరాబాద్ నగరంలోని పేట్​ బషీరాబాద్ పోలీస్​ స్టేషన్​ (Bashirabad Police Station)లో పోక్సో కేసు నమోదు అయింది. ఈ నెల 8న కేసు నమోదు కాగా.. విచారణ కోసం ప్రభుత్వం సిట్ ఏర్పాటు చేసింది. అయితే భగీరథ్​ అప్పటి నుంచి పరారీలో ఉన్నాడు. అతడి ఫోన్​ స్విచ్​ ఆఫ్​లో ఉంది. విచారణకు హాజరు కావాలని పోలీసులు నోటీసులు జారీ చేసినా స్పందించలేదు. ఈ క్రమంలో తాజాగా పోలీసులు లుక్​ అవుట్​ నోటీసులు జారీ చేశారు.

Bandi Bhagirath Case | 4 బృందాలతో గాలింపు

పోక్సో కేసులో తనకు ముందస్తు బెయిల్ ఇవ్వాలని బండి భగీరథ్​ (Bandi Bhagirath) హైకోర్టులో పిటిషన్​ వేశారు. అయితే బెయిల్ ఇవ్వడానికి కోర్టు నిరాకరించింది. దీంతో హైదరాబాద్ (Hyderabad) నుంచి పారిపోకుండా పోలీసులు చర్యలు తీసుకున్నారు. ఏ ఎయిర్‌పోర్టులో కనిపించినా.. వెంటనే సమాచారం ఇవ్వాలని సూచించారు. నిందితుడి కోసం 4 టీమ్స్ ఏర్పాటు చేసి ముమ్మరంగా గాలిస్తున్నారు. కాగా.. కోర్టు బెయిల్​ పిటిషన్​ కొట్టివేయడంతో ఒకటి రెండు రోజుల్లో భగీరథ్​ లొంగిపోనున్నట్లు సమాచారం.

ఇది కూడా చదవండి..: Borewell Rescue Tragedy | బోరుబావిలో పడిన మనవడు.. కాపాడబోయి తాత మృతి

Leave a Comment

Leave a Reply

Your email address will not be published. Required fields are marked *