అక్షరటుడే, వెబ్డెస్క్: Telangana Government GO 685 | తెలంగాణ సివిల్ సర్వీసెస్ జాయింట్ స్టాఫ్ కౌన్సిల్ (స్టేట్ లెవెల్) లో శాశ్వత సభ్యత్వం కలిగిన వివిధ ఉద్యోగ, ఉపాధ్యాయ సంఘాల ముఖ్య ప్రతినిధులకు 2026 క్యాలెండర్ సంవత్సరానికి గాను ‘అదర్ డ్యూటీ’ (Other Duty) సౌకర్యాన్ని కల్పిస్తూ ప్రభుత్వం ఉత్తర్వులు జారీ చేసింది.
ఈ మేరకు ప్రభుత్వ ప్రత్యేక ప్రధాన కార్యదర్శి బెన్హర్ మహేష్ దత్ ఎక్కా (Benhur Mahesh Dutt Ekka) మే 18, 2026న సాధారణ పరిపాలన (సర్వీసెస్ వెల్ఫేర్) శాఖ ద్వారా G.O.Rt.No.685 ను విడుదల చేశారు.
గుర్తింపు ప్రక్రియ పెండింగ్లో ఉన్నప్పటికీ, ఉద్యోగ సంఘాల విజ్ఞప్తులు, గత జీవోలను (G.O.Ms.No.185, G.O.Ms.No.325) పరిశీలించిన అనంతరం ప్రభుత్వం ఈ నిర్ణయం తీసుకుంది.
Telangana Government GO 685 | ‘అదర్ డ్యూటీ’ సౌకర్యం పొందిన సంఘాలు
ప్రభుత్వ తాజా ఉత్తర్వుల ప్రకారం మొత్తం 9 ప్రధాన సంఘాల ప్రతినిధులకు ఈ సౌకర్యం వర్తించనుంది. ఇందులో మొదటి 8 సంఘాల నుంచి అధ్యక్షుడు (President), ప్రధాన కార్యదర్శి (General Secretary)* ఇద్దరికీ, చివరి సంఘం నుంచి కేవలం అధ్యక్షుడికి మాత్రమే ఈ వెసులుబాటు కల్పించారు.
- తెలంగాణ నాన్-గెజిటెడ్ అధికారుల సంఘం (TNGO సెంట్రల్ యూనియన్): అధ్యక్షుడు, ప్రధాన కార్యదర్శి
- తెలంగాణ గెజిటెడ్ అధికారుల సంఘం (సెంట్రల్ అసోసియేషన్): అధ్యక్షుడు, ప్రధాన కార్యదర్శి
- ప్రొగ్రెసివ్ రికగ్నైజ్డ్ టీచర్స్ యూనియన్ (PRTU TS): అధ్యక్షుడు, ప్రధాన కార్యదర్శి
- స్టేట్ టీచర్స్ యూనియన్, తెలంగాణ రాష్ట్రం (STU TS): అధ్యక్షుడు, ప్రధాన కార్యదర్శి
- తెలంగాణ రెవెన్యూ ఎంప్లాయీస్ సర్వీస్ అసోసియేషన్ (TRESA): అధ్యక్షుడు, ప్రధాన కార్యదర్శి
- తెలంగాణ క్లాస్ IV ఎంప్లాయీస్ సెంట్రల్ అసోసియేషన్: అధ్యక్షుడు, ప్రధాన కార్యదర్శి
- తెలంగాణ స్టేట్ యునైటెడ్ టీచర్స్ ఫెడరేషన్ (TS UTF): అధ్యక్షుడు, ప్రధాన కార్యదర్శి
- తెలంగాణ రాష్ట్ర టీచర్స్ ఫెడరేషన్ (TRTF): అధ్యక్షుడు, ప్రధాన కార్యదర్శి
- డాక్టర్ బి.ఆర్. అంబేడ్కర్ తెలంగాణ సెక్రటేరియట్ అసోసియేషన్ (TGSA): అధ్యక్షుడు మాత్రమే
Telangana Government GO 685 | తదుపరి చర్యలకు ఆదేశం
ఈ ఉత్తర్వుల నేపథ్యంలో సంబంధిత సచివాలయ విభాగాలు, శాఖాధిపతులు (Heads of Departments) తక్షణమే అవసరమైన తదుపరి చర్యలు తీసుకోవాలని ప్రభుత్వం స్పష్టం చేసింది. గవర్నర్ పేరిట ఈ అధికారిక ఉత్తర్వులు వెలువడ్డాయి.
ఏమిటీ అదర్ డ్యూటీ సౌకర్యం..?
ప్రభుత్వ ఉద్యోగ, ఉపాధ్యాయ సంఘాల నాయకులకు ప్రభుత్వం కల్పించే ఒక ప్రత్యేక అధికారిక వెసులుబాటునే ‘అదర్ డ్యూటీ’ (Other Duty – O.D.) సౌకర్యం అంటారు.
సరళంగా చెప్పాలంటే… తమకు కేటాయించిన అసలు ప్రభుత్వ విధులకు (ఉదాహరణకు: ఆఫీసులో క్లర్క్ పని లేదా పాఠశాలలో బోధన) హాజరు కాకపోయినప్పటికీ, ఆ సమయాన్ని విధి నిర్వహణ కిందే పరిగణించడం.
Chola Copper Plates | 14 ఏళ్ల నిరీక్షణకు తెర.. స్వదేశానికి ‘చోళుల కాలం నాటి రాగి శాసనాలు’!
