భారతదేశ ప్రముఖ వైవిధ్యభరిత ఆర్థిక సేవల సంస్థ ఆదిత్య బిర్లా క్యాపిటల్కు చెందిన లైఫ్ ఇన్సూరెన్స్ అనుబంధ సంస్థ ఆదిత్య బిర్లా సన్ లైఫ్ ఇన్సూరెన్స్ కంపెనీ లిమిటెడ్ (ABSLI), వినియోగదారుల కోసం ఒక సరికొత్త పొదుపు ఆధారిత పార్టిసిపేటింగ్ లైఫ్ ఇన్సూరెన్స్ ప్లాన్ను ప్రకటించింది. ‘ఏబీఎస్ఎల్ఐ అన్మోల్ అక్షయ’ (ABSLI Anmol Akshaya) అనే పేరుతో మార్కెట్లోకి వచ్చిన ఈ ప్లాన్, జీవితంలో ఎదురయ్యే అనిశ్చితుల నుండి కుటుంబ సభ్యులకు పూర్తి రక్షణ కల్పిస్తూనే, భవిష్యత్తు ఆర్థిక లక్ష్యాలను నమ్మకంతో సాధించడంలో అండగా నిలుస్తుంది.
ఈ సరికొత్త ఇన్సూరెన్స్ ప్లాన్ ముఖ్యంగా మూడు ప్రధాన విభాగాల ఆధారంగా వినియోగదారులకు అద్భుతమైన ప్రయోజనాలను చేకూరుస్తుంది:
మై చైల్డ్ (పిల్లల విద్యా ప్రయాణం): పాలసీదారులు తమ పిల్లల చదువుల కోసం కీలక దశలకు తగినట్లుగా మైల్స్టోన్ ఆధారిత ఆదాయ చెల్లింపులను ఎంచుకోవచ్చు. ఇది పిల్లల అండర్ గ్రాడ్యుయేట్ చదువులు, ప్రొఫెషనల్ కోర్సులు, పోస్ట్ గ్రాడ్యుయేషన్ , కెరీర్ ప్రారంభం వంటి అన్ని ముఖ్యమైన ఘట్టాలలో ఆర్థికంగా ఎంతో ఉపయోగపడుతుంది.
సేవింగ్స్ (భవిష్యత్తు నిధి): కుమార్తె వివాహం, సొంత ఇల్లు కొనడం, రిటైర్మెంట్ ప్లానింగ్ వంటి దీర్ఘకాలిక లక్ష్యాల కోసం నిధిని సమకూర్చుకోవాలనుకునే వారి కోసం ఇది ఉపయోగపడుతుంది. దీని ద్వారా పొదుపుతో పాటు కుటుంబ సభ్యులకు పూర్తి లైఫ్ ఇన్సూరెన్స్ రక్షణ లభిస్తుంది.
హర్ బెనిఫిట్స్ (మహిళల సాధికారత): మహిళా పాలసీదారుల భవిష్యత్తు లక్ష్యాల కోసం ఆకర్షణీయమైన పొదుపు అవకాశాలను అందించడంతో పాటు, ఇందులో ప్రత్యేకంగా ‘హర్ బెనిఫిట్స్’ను చేర్చారు.
మహిళల ఆరోగ్యం, ఆర్థిక అవసరాలకు ‘హర్ బెనిఫిట్స్’
ఈ ప్లాన్ లోని ప్రత్యేక ‘హర్ బెనిఫిట్స్’ ద్వారా మహిళలకు ఉచిత హెల్త్ మేనేజ్మెంట్ సర్వీసెస్ లభిస్తాయి. ఇవి ముందస్తు ఆరోగ్య సంరక్షణ కోసం నిపుణులైన వైద్యుల సంప్రదింపులు, హెల్త్ కోచింగ్, సెకండ్ మెడికల్ ఒపీనియన్ (రెండవ వైద్య అభిప్రాయం) , వ్యక్తిగత వైద్య సంరక్షణ మేనేజ్మెంట్లను అందుబాటులోకి తెస్తాయి.
దీనితో పాటు ఇందులో మదర్హుడ్ బెనిఫిట్ (మాతృత్వ ప్రయోజనం) కూడా ఉంది. దీని కింద అర్హులైన మహిళలు పాలసీ తీసుకున్న నిర్దిష్ట కాల వ్యవధి తర్వాత, ప్రసవ సమయంలో ఒక ఏడాది ప్రీమియంతో సమానమైన మొత్తాన్ని వేగవంతమైన చెల్లింపు (యాక్సిలరేటెడ్ పే-అవుట్) రూపంలో పొందవచ్చు. అలాగే క్యాన్సర్ కేర్ బెనిఫిట్ ద్వారా మహిళలకు వచ్చే నిర్దిష్ట క్యాన్సర్ నిర్ధారణ అయినప్పుడు, గ్యారెంటీడ్ మెచ్యూరిటీ బెనిఫిట్లో 25 శాతం మొత్తాన్ని అత్యవసర చెల్లింపు రూపంలో అందజేస్తారు.
అదనపు రక్షణ ఆప్షన్లు
వినియోగదారులకు మరింత ఆర్థిక సౌలభ్యాన్ని అందించడం కోసం ఏబీఎస్ఎల్ఐ అన్మోల్ అక్షయ ప్లాన్ మరికొన్ని అదనపు ప్రొటెక్షన్ ఆప్షన్లను అందిస్తోంది:
ఎక్స్టెండెడ్ లైఫ్ కవర్ (ELC): ఈ ఆప్షన్ ద్వారా పాలసీదారులు మెచ్యూరిటీ కాలం ముగిసిన తర్వాత కూడా తమ 75 లేదా 85 ఏళ్ల వయస్సు వరకు లైఫ్ ఇన్సూరెన్స్ రక్షణను పొడిగించుకోవచ్చు.
పాలసీ కంటిన్యూయెన్స్ బెనిఫిట్ (PCB): ఇది కుటుంబ దీర్ఘకాలిక లక్ష్యాలకు రక్షణగా నిలుస్తుంది. ఒకవేళ పాలసీదారుడు మరణించినట్లయితే, నిబంధనల ప్రకారం వెంటనే డెత్ బెనిఫిట్ అందించడంతో పాటు, భవిష్యత్తులో చెల్లించాల్సిన ప్రీమియంలను పూర్తిగా రద్దు చేస్తుంది. పాలసీదారుడు లేకపోయినప్పటికీ, పాలసీ ప్రయోజనాలన్నీ మెచ్యూరిటీ వరకు యథావిధిగా కొనసాగుతాయి.
ఆదిత్య బిర్లా సన్ లైఫ్ ఇన్సూరెన్స్ కంపెనీ లిమిటెడ్ ఎండీ, సీఈఓ కమలేష్ రావు ఈ ప్లాన్ లాంచ్ సందర్భంగా మాట్లాడుతూ, ప్రస్తుత కాలంలో ఆర్థిక ప్రణాళిక అనేది జీవిత లక్ష్యాల చుట్టూనే కేంద్రీకృతమై ఉంటుందని పేర్కొన్నారు. పిల్లల భవిష్యత్తుకు భరోసా ఇవ్వడం, కుటుంబ నిధిని సమకూర్చుకోవడం , మహిళల ఆర్థిక, ఆరోగ్య అవసరాలను తీర్చడమే లక్ష్యంగా ఈ ప్లాన్ తీసుకువచ్చామని, ఇది వినియోగదారులు మరింత నమ్మకంతో తమ ఆశయాలను అక్షరాలా నెరవేర్చుకోవడానికి సహాయపడుతుందని ఆయన ధీమా వ్యక్తం చేశారు.
