అక్షరటుడే వెబ్డెస్క్: Cauvery Water Dispute | కావేరీ నదీ జలాల పంపక వివాదంలో మరో కీలక పరిణామం చోటుచేసుకుంది. తమిళనాడుకు ( Tamil Nadu ) నీటిని విడుదల చేయాలంటూ కావేరీ వాటర్ మేనేజ్మెంట్ అథారిటీ (CWMA) ఇచ్చిన ఆదేశాలను కచ్చితంగా పాటించాలని కర్ణాటక ప్రభుత్వానికి సుప్రీంకోర్టు స్పష్టం చేసింది.
కావేరీ వాటర్ రెగ్యులేషన్ కమిటీ (CWRC) సిఫార్సుల మేరకు.. తమిళనాడుకు రోజుకు 12,000 క్యూసెక్కుల చొప్పున 12 రోజుల పాటు నీటిని విడుదల చేయాలని CWMA ఆదేశించిన విషయం తెలిసిందే. అయితే, ఈ ఆదేశాలను కర్ణాటక ప్రభుత్వం అమలు చేయలేదంటూ తమిళనాడు సర్కార్ సుప్రీంకోర్టును ఆశ్రయించింది. ఈ పిటిషన్ను విచారించిన సర్వోన్నత న్యాయస్థానం.. అథారిటీ జారీ చేసిన ఆదేశాలను విస్మరించకూడదని తేల్చిచెప్పింది. తమ రాష్ట్రంలో సాగునీటి అవసరాలు తీవ్రంగా దెబ్బతింటున్నాయని తమిళనాడు ప్రభుత్వం వాదిస్తోంది.
Cauvery Water Dispute | ఇరు రాష్ట్రాల వాదనలు ..
రాష్ట్రంలోని కావేరీ బేసిన్ జలాశయాల్లో ఆశించిన స్థాయిలో నీటి మట్టాలు లేవని, తీవ్రమైన కరువు పరిస్థితులు నెలకొన్నాయని కర్ణాటక ప్రభుత్వం చెబుతోంది. కృష్ణరాజ సాగర్, కబిని, హారంగి, హేమావతి అనే నాలుగు ప్రధాన జలాశయాల్లో సగటు కంటే 47% తక్కువ నీరు మాత్రమే ఉందని పేర్కొంటోంది.
Cauvery Water Dispute | ప్రభుత్వ స్పందన..
క్షేత్రస్థాయిలో నీటి లభ్యతను, రాష్ట్రంలోని రైతుల ప్రయోజనాలను పరిగణనలోకి తీసుకునే తదుపరి నిర్ణయం తీసుకుంటామని కర్ణాటక నేతలు వెల్లడించారు. న్యాయ నిపుణులతో సంప్రదింపులు జరిపి, సుప్రీంకోర్టులో తదుపరి వాదనలు వినిపించేందుకు సిద్ధమవుతున్నారు. కేంద్ర ప్రభుత్వం ఏర్పాటు చేసిన కావేరీ వాటర్ మేనేజ్మెంట్ అథారిటీ (CWMA) నిర్ణయాలను ఇరు రాష్ట్రాలు పాటించాల్సి ఉన్నప్పటికీ, నీటి లభ్యత తక్కువగా ఉన్న ప్రతిసారీ ఈ వివాదం మళ్లీ తెరపైకి వస్తోంది.
ఇది కూడా చదవండి: Jupalli Krishna Rao | వ్యక్తుల కంటే పార్టీయే సుప్రీం : మంత్రి జూపల్లి కృష్ణారావు
