అక్షరటుడే వెబ్డెస్క్: Fee Reimbursement | ఫీజు రీయింబర్స్మెంట్ నిధుల కోసం తెలంగాణ రాష్ట్రవ్యాప్తంగా ఎంతోకాలంగా ఎదురుచూస్తున్న లక్షలాది మంది విద్యార్థులకు, వారి తల్లిదండ్రులకు రాష్ట్ర ప్రభుత్వం తీపి కబురు అందించింది. ఫీజు బకాయిలకు సంబంధించి హైకోర్టులో ( High Court ) జరుగుతున్న విచారణలో ప్రభుత్వం కీలక హామీని ఇచ్చింది.
Fee Reimbursement | ఆగస్టు 15 లోపు నిధుల విడుదల..
ఈ సంవత్సరానికి సంబంధించి పెండింగ్లో ఉన్న ఫీజు రీయింబర్స్మెంట్ నిధులను ఆగస్టు 15వ తేదీలోపు పూర్తిస్థాయిలో విడుదల చేస్తామని ప్రభుత్వం తరఫు న్యాయవాది హైకోర్టుకు నివేదించారు. ప్రభుత్వం కోర్టు సాక్షిగా ఇచ్చిన ఈ గడువు ప్రకటనతో ఫీజుల చెల్లింపు విషయంలో కాలేజీల నుంచి ఒత్తిడి ఎదుర్కొంటున్న విద్యార్థులకు పెద్ద ఊరట లభించినట్లైంది.
Fee Reimbursement | ఎవరెవరికి వర్తిస్తుంది?
ఈ నిధుల విడుదలకు సంబంధించి ప్రభుత్వం స్పష్టమైన వివరణ ఇచ్చింది. కేవలం పాత విద్యార్థులకే కాకుండా, ఈ సంవత్సరం కొత్తగా అడ్మిషన్లు పొందిన విద్యార్థులకు కూడా ఫీజులు చెల్లిస్తామని వెల్లడించింది. అంతేకాకుండా, ప్రస్తుతం వివిధ కోర్సుల్లో 2వ, 3వ , 4వ సంవత్సరాలు చదువుతున్న విద్యార్థులందరికీ కూడా ఈ ఫీజు రీయింబర్స్మెంట్ వర్తింపజేస్తామని స్పష్టం చేసింది.
Fee Reimbursement | సుమారు రూ. 1,000 కోట్ల నిధులు..
ఫీజు రీయింబర్స్మెంట్ పంపిణీ ప్రక్రియపై విచారణ సందర్భంగా, ఈ సంవత్సరం విద్యార్థుల ఫీజుల కోసం ప్రభుత్వం సుమారు రూ. 1,000 కోట్ల వరకు ఖర్చు చేయాల్సి ఉంటుందని అంచనా వేసింది. ఈ మేరకు నిధులను సిద్ధం చేసి గడువులోగా లబ్ధిదారుల ఖాతాల్లో జమ చేసేందుకు ప్రభుత్వం చర్యలు చేపట్టింది.
ఇది కూడా చదవండి: Temple Development | దేవాలయాల పరిరక్షణకు ప్రాధాన్యం : ఎమ్మెల్యే భూపతిరెడ్డి
